dr Germanechrieg

• D Alemanne chöme mit vil Lüüt übere Rhy uf Gallien ine. Wo si scho wyt im römische Piet sind, chunt s bi de Stedt Lingonae, em hütige Langres, und Andemattunum z Oschtfrankrych zun ere grosse Schlacht mit dr röömischen Armee, wo dr Zäsaar Constantius tuet füere. Zerscht gwünne d Alemanne es Gfächt, aber denn chunt römischi Versterkig und d Germaane wärde gschlage. Die röömische Gschichtschryber säge, do drby sige sächzgtuusig Alemannen umchoo.
• E zwöite grosse Kampf zwüsche de Röömer und de Alemanne isch – äntwäder i däm Joor oder anne 302, wie teil vermuete^[1] – im helvetische Piet bi Vindonissa. Au doo vrlüüre d Alemanne.

was isch suscht no bassiert?

• Dr Dioklezian isch Kaiser vo Rom.
• Dr Maximian isch «Augustus», also Mitkaiser vo Rom füre Weschte.
• Z Rom foot me mit em Bou vom groosse Baad vom Dioklezian aa.
• Dr Marcellinus isch Bischof vo Rom.
• Dr Kassian vo Tanger stirbt as chrischtliche Märtirer.
• Z Ägipten isch Chrieg.

Weblink

 Commons: 298 – Sammlig vo Multimediadateie

Fuessnoote

1. ↑ Regula Frei-Stolba: Die Schlacht von Vindonissa (302 n. Chr.). In: Jahresbericht der Gesellschaft Pro Vindonissa 2013, S. 35–48.