Gebeure
- 837 – Pous Gregorius IV stel Allerheilige feesdag in.
- 1503 – Pous Julius II volg Pous Pius III op as pous van die Rooms-Katolieke Kerk.
- 1512 – Die plafon van die Sixtynse kapel, deur Michelangelo geskilder, word vir die eerste keer aan die publiek ten toon gestel.
- 1521 – Die Straat van Magellaan, die seestraat net suid van die Suid-Amerikaanse vasteland wat die Stille- en die Atlantiese Oseane met mekaar verbind, word vir die eerste keer deur Ferdinand Magellaan deurvaar.
- 1604 – Die tragedie van William Shakespeare, Othello, word vir die eerste keer by die Paleis van Whitehall in Londen opgevoer.
- 1610 – Pous Paulus V verklaar Charles Borromeo heilig.
- 1611 – Die romantiese komedie van William Shakespeare, The Tempest, word vir die eerste keer by die Whitehall Paleis in Londen opgevoer.
- 1658 – Pous Alexander VII verklaar Thomas van Villanova heilig.
- 1683 – Die Britse kroonkolonie van New York word onderverdeel in 12 graafskappe.
- 1745 – Pous Benedictus XIV publiseer Vix Pervenit oor woekerwins en ander oneerlike wins.
- 1755 – Lissabon in Portugal word vernietig deur ’n geweldige aardbewing en tsunami. Na raming het tussen sestig- tot negentigduisend mense gesterf.
- 1765 – Die Britse Parlement vaardig die Seëlwet uit in die 13 kolonies om die Britse militêre aksies in Noord-Amerika te help finansier.
- 1800 – Die Amerikaanse president, John Adams, neem sy intrek in die presidensiële woning, alombekend as die Withuis.
- 1848 – Die eerste mediese skool vir vroue (Boston Female Medical School) open in Boston, Massachusetts.
- 1859 – Sardinië-Frankryk en Oostenryk teken 'n vredesooreenkoms in Zürich
- 1861 – Amerikaanse Burgeroorlog: Die President van die V.S.A., Abraham Lincoln, stel George McClellan aan as bevelvoerder van die Unie weermag. Hy vervang Winfield Scott, reeds in gevorderde leeftyd.
- 1876 – Nieu-Seeland se provinsiale regeringstelsel word gestaak.
- 1894 – Die Russiese Tsaar Aleksander III sterf en word deur sy seun Nikolaas II opgevolg.
- 1902 – By Glentana word 'n droogdok bo-op 'n skerp rots neergesit, die Doks van Glentana.
- 1914 – Eerste Wêreldoorlog: Die Slag van Coronel vind plaas. Dit is die eerste Britse nederlaag van diè oorlog.
- 1918 – Noord-Jemen word van die Ottomaanse Ryk onafhanklik.
- 1918 – ’n Treinongeluk in New York eis die lewens van 93 mense.
- 1922 – Die Ottomaanse Ryk kom tot ’n einde toe die laaste sultan, Mehmet VI, abdikeer.
- 1943 – Tweede Wêreldoorlog: Operasie Goodtime word van stapel gestuur met die Amerikaanse inval te Bouganville in die Solomon-eilande.
- 1950 – Die NG gemeente Marondera as Marandellas in die huidige Zimbabwe gestig.
- 1950 – Pous Pius XII verkondig die dogma van Maria se hemelopneming.
- 1950 – Sluipmoordpoging van die Puerto Rikaanse nasionaliste Griselio Torresola en Oscar Collazo op die President van die Verenigde State, Harry S. Truman.
- 1952 – Operation Ivy: Die VSA se eerste suksesvolle waterstofbomontploffing met die kodenaam “Mike” [“m” vir megaton], te Eniwetok-eiland op die Bikini-atol in die Stille Oseaan.
- 1954 – Die Front de Libération Nationale begin die Algerynse Onafhanklikheidsoorlog teen Franse heerskappy, met guerrilla-aanvalle in verskeie dele van Algerië.
- 1955 – ’n United Airlines DC-6B ontplof midde-in vlug en stort te Longmont, Colorado neer, met 44 insittendes wat te sterwe kom.
- 1955 – Die Viëtnamoorlog breek tussen die Noord- en Suid-Viëtnamese weermagte uit.
- 1960 – Die Amerikaanse president, John F. Kennedy, stel sy idee van ’n vredeskorps bekend tydens sy verkiesingsveldtog.
- 1963 – Die Arecibo-observatorium, met die wêreld se grootste radioteleskoop, word amptelik in gebruik geneem in Arecibo, Puerto Rico.
- 1969 – Na sewe jaar aan die bopunt van die gewildheidsleer, bereik Elvis Presley se liedjie Suspicious Minds die nommer een-posisie op Billboard Music se trefferlys.
- 1973 – Watergateskandaal: Leon Jaworski word aangestel as die nuwe spesiale aanklaer vir die Watergate-ondersoek.
- 1981 – Antigua en Barbuda verkry hulle onafhanklikheid van die Verenigde Koninkryk van Brittanje.
- 1993 – Die Maastrichtverdrag tree in werking en die Europese Unie word amptelik gestig.
- 1998 – Die Europese Hof vir Menseregte word ingestel.
- 1998 – Suid-Afrika wen die eindstryd van die eerste Kampioenetrofee in Bangladesj met vier paaltjies teen Wes-Indië.
