Kundinyota | Hutu Junubi (Piscis Austrinus) |
Mwangaza unaonekana | 1.16 |
Kundi la spektra | A3 V |
Paralaksi (mas) | 129.81 ± 0.47 |
Umbali (miakanuru) | 25.1 |
Mwangaza halisi | 1.7 |
Masi M☉ | 1.92 |
Nusukipenyo R☉ | 1.84 |
Mng’aro L☉ | 16.6 |
Jotoridi usoni wa nyota (K) | 8590 |
Muda wa mzunguko | siku 0.6 |
Majina mbadala | α Piscis Austrini, α PsA, Alpha PsA, 24 Piscis Austrini, CPD −30° 6685, FK5 867, Gl 881, HD 216956, HIP 113368, HR 8728, SAO 191524 |
Kinywa cha Hutu (ing. na lat. Fomalhaut pia α Alpha Piscis Austrini, kifupi Alfa PsA, α PsA) ni nyota angavu zaidi katika kundinyota la Hutu Junubi (Piscis Austrinus). Ni pia nyota angavu ya 19 kwenye anga ya usiku.
Kinywa cha Hutu ilijulikana kwa mabaharia Waswahili tangu miaka mingi wakifuata njia yao baharini wakati wa usiku kwa msaada wa nyota. [1]. Walipokea jina hili kutoka kwa Waarabu wakitafsiri jina lao فم الحوت fum al-haut linalomaanisha „kinywa / mdomo wa Samaki".
Waarabu walitumia pia jina la „Difda“ yaani „chura“. Kwa kuitofautisha na Chura katika kundinyota la Ketusi (Cetus), waliita „Difda al-auwal", yaani "Chura wa kwanza“.
Kwa matumizi ya kimataifa Umoja wa Kimataifa wa Astronomia ulifuata mapokeo ya Kiarabu na kuorodhesha nyota hii kwa jina la "Fomalhaut" [2] .
Alfa Piscis Austrinus ni jina la Bayer maana ina nafasi ya kwanza kufuatana na mwangaza katika kundinyota lake.
Kinywa cha Hutu - Fomalhaut ni nyota maradufu yenye pacha 2-3 zinazotajwa kama α Piscis Austrini A, B na C. Iko kwa umbali na Dunia wa miakanuru 25.
α Piscis Austrini A ni Fomalhaut yenyewe, iko kwenye safu kuu yenye mwangaza unaoonekana wa Vmag 1.17. Masi ya Kinywa cha Hutu (nyota A) ni M☉ 1.92 na nusukipenyo chake R☉ 1.84 (vizio vya kulinganisha na Jua letu) . Mwangaza halisi ni 1.1 ikiwa katika kundi la spektra A3 V.[3].
Nyota hii inazungukwa na wingu la vumbi kuna dalili ya kwamba ina pia sayari moja.