Veronica Egebakken Kristiansen (fødd 10. juli 1990) er ein norsk handballspelar som sidan sommaren 2019 har spelt for ungarske Győri ETO. I tida 2014-24 vann ho tre EM-gull, to VM-gull, OL-gull, VM-sølv og to OL-bronsar med det norske landslaget. Perioden 2013-24 deltok ho i 187 landskampar og skåra 595 mål.

Kristiansen var Våg-spelar til 2011. Dei neste fire åra spelte ho på Glassverket IF, før ho sommaren 2015 melde seg til teneste for Midtjylland. Etter tre år i Danmark fekk ho kontrakt med Győri ETO, med den ungarske klubben vann ho IHF-meisterligaen 2019.

Kristiansen landslagsdebuterte 20. mars 2013 mot Danmark. Seinare i debutåret deltok ho i handball-VM 2013. Hausten 2014 vann Noreg EM 2014, der Kristiansen fekk bra med speletid på venstre rykkrom-plass. Ho var ein sentral spelar då Noreg vart verdsmeister i 2015, etter ein klar siger over Nederland i finalen. I året 2016 var ho i august månad med på å take OL-bronse under Sommar-OL 2016 i Rio de Janeiro, og fire månader seinare vart ho europameister for andre gong, Nederland var også her motstandar i begge avslutningskampane.

• VM 2013: Nr 5 med Noreg
• EM 2014: Gullmedalje etter 28–25 mot Spania
• VM 2015: Gullmedalje etter 31–23 mot Nederland
• OL 2016: Bronsemedalje etter 36–26 mot Nederland
• EM 2016: Gullmedalje etter 30–29 mot Nederland
• VM 2017: Sølvmedalje etter 21–23 mot Frankrike
• EM 2018: Nr 5 etter 38–29 mot Sverige
• EM 2020: Gullmedalje etter 22–20 mot Frankrike
• OL i 2021: Bronsemedalje etter 36–19 mot Sverige
• VM 2021: Gullmedalje etter 29–22 mot Frankrike
• OL 2024: Gullmedalje etter 29–21 mot Frankrike