Muscicapinae representerer den basale utstrålinga i flugesnapparfamilien Muscicapidae med utspring i Afrika og består av to undergrupper Copsychini og Muscicapini.
Copsychini er afrikanske krattskvettar. Gruppa inneheld også shamaer og skjorskvettar som koloniserte Asia, Madagaskar og Seychellane.
Muscicapini inneheld slekta Muscicapa av «typiske flugesnapparar» med nokre artar som har habitat i Kongo. Typearten i Muscicapa er gråflugesnappar. Seks artar i slekta har kolonisert Asia og nordlege øyar i Den australske regionen. Muscicapini inneheld også fleire andre afrikanske slekter etablert etter taksonomiopprydding, mellom anna etter at det vart oppdaga at Muscicapa fram til ca. 2016 ikkje var ei naturleg gruppe.
Verdas naturvernunion, IUCN, har kategorisert nær 90 % av artane i underfamilien som livskraftige, to artar som sårbare og fire som nær truga.[1]
Fylogeni
Oversyn over dei fylogenetiske sambanda innanfor artar og artsgrupper gjennom evolusjonen innanfor flugesnapparfamilien Muscicapidae har framleis manglar. Ein dataanalyse frå 2023 syner estimat på divergenstida for underfamiliar, og plasserer alle fire i midten av miocen. Underfamilien Muscicapinae kan ha divergert for rundt 15 millionar år sidan.[2] Andre studiar har indikert at den siste felles stamfaren til alle nolevande medlemar av underfamilien har opphavet sitt i tropisk Afrika.[3]
Kladogram for underfamilien Muscicapinae basert på Zhao et al 2023 ymtar om evolusjon av artsgruppene:
Inndelinga i kladogrammet er etter Min Zhao et al, 2023. Data frå sekvensiering gjev ikkje sterk stønad til alle delar av det fylogenetiske treet.[4] Både slektene som er inkludert og talet artar i slektene er henta frå fuglelista vedlikeholdt av Frank Gill, Pamela Rasmussen og David Donsker på vegne av International Ornithological Committee (IOC).[1] Norske artsnamn er etter Norske navn på verdens fugler.[5]
Artslista etter IOC World Bird List V14.1. 2024,[1] Norske artsnamn er etter Norske navn på verdens fugler.[5] Utvalet av slekter er etter HBW and BirdLife Taxonomic Checklist:[6]
Fjeldså, Jon; Christidis, Les; Ericson, Per G. P. (oktober, 2020). The Largest Avian Radiation - The Evolution of Perching Birds, or the Order Passeriformes. Lynx Edicions. s. 251-257. ISBN978-84-16728-33-6.
↑ 1,01,11,2Gill, Frank; Donsker, David; Rasmussen, Pamela, red. (January 2024). «Chats, Old World flycatchers». IOC World Bird List Version 14.1. International Ornithologists' Union. Henta 11. februar 2024.
↑Zhao, M.; Gordon Burleigh, J.; Olsson, U.; Alström, P.; Kimball, R.T. (2023). «A near-complete and time-calibrated phylogeny of the Old World flycatchers, robins and chats (Aves, Muscicapidae)». Molecular Phylogenetics and Evolution178: 107646. doi:10.1016/j.ympev.2022.107646.
_(49177740018).jpg)
.jpg)
