Mosvatnet | |||
innsjø | |||
Mosvatnet islagt
| |||
Land | ![]() | ||
---|---|---|---|
Fylke | Rogaland | ||
Kommune | Stavanger | ||
Høgd over havet | 37 moh. | ||
Areal | 0,46 km² | ||
Største djupn | 3,2 m | ||
Kystlengd1 | 2,85 km | ||
Koordinatar | 58°57′21″N 5°42′44″E / 58.95583°N 5.71222°E | ||
![]() Mosvatnet 58°57′25″N 5°42′43″E / 58.957°N 5.712°E | |||
Wikimedia Commons: Mosvatnet | |||
1 Kystlengd er eit unøyaktig mål som kanskje ikkje er standardisert for denne artikkelen. |
Mosvatnet er eit innlandsvatn i Stavanger kommune i Rogaland fylke. Mosvatnet ligg i bylutane Hillevåg og Eiganes og Våland og er 0,46 km² stort – det tredje største i Stavanger etter Hålandsvatnet og Store Stokkavatn. Det er 3,2 meter på det djupaste, og ligg 37 meter over havet.
Mosvatnet var drikkevatn i byen frå 1863 til 1931.
Vatnet og området rundt har eit rikt fugleliv. I 1998 vart det observert 143 forskjellige fugleartar her. Stokkand, toppand, hettemåke, knoppsvane og sothøne hekkar her. I bøkeskogen finst mellom anna bokfink, gråtrost, raudvengjetrost, lauvsangar, kjøttmeis og raudstrupe. Området er difor skildra som eit eldorado for ornitologar.
Ved sørenden ligg Mosvangen Camping, Stavanger Svømmestadion Gamlingen og Vålandsskogen. På vestsida finn ein Rogaland Kunstmuseum
Mosvatnet er det suverent mest nytta friluftsområdet i Stavanger. Utvalstellingane som vart føreteke i 1995 viste at rundt 560 000 personer brukte turstien rundt Mosvatnet. Vaksne turgåarar var dei ivrigaste brukarane. Syklistar og joggarar utgjorde òg ei stor brukargruppe. Stien rundt vatnet er rundt 3,2 km lang.