Jaramana | |||
جرمانا | |||
by | |||
Jaramana flyktningleir og moskéen
| |||
Land | ![]() | ||
---|---|---|---|
Guvernement | Rif Dimashq guvernement | ||
Distrikt | Markaz Rif Dimashq | ||
Nahiyah | Jaramana | ||
Høgd | 670 moh. | ||
Koordinatar | 33°29′N 36°21′E / 33.483°N 36.350°E | ||
Areal | 5,95 km² | ||
- vatn | 0 km² | ||
Folketal | 114 363 (2004) | ||
![]() Jaramana 33°29′00″N 36°21′00″E / 33.483333333333°N 36.35°E | |||
Wikimedia Commons: Jaramana | |||
Jaramana (arabisk جرمانا) er ein by sør i Syria i Rif Dimashq guvernement på Ghoutasletta. Han ligg 10 kilometer søraust for den syriske hovudstaden Damaskus og ligg innanfor storbyområdet. Folkesetnaden er hovudsakleg kristne og drusarar.
Jaramana vart vitja av den den syriske geografen Yaqut al-Hamawi tidleg på 1200-talet og han skreiv at han var «ein bydel i Ghautah kring Damaskus».[1]
Sidan 2003 og byrjinga av Irakkrigen, emigrerte mange irakarar til Jaramana, og folketalet auka frå kring 100 000 til over 250 000.[2] I følgje folketeljinga 2004 var folketalet i byen 114 363.[3]
Det ligg òg ein palestinsk flyktningleir nær byen med same namnet. Jaramana har vore ein av dei mest populære destinasjonane for irakiske assyrisk kristne flyktningar som flykta frå det ustabile landet. I oktober 2006 fekk det assyriske samfunnet i Jaramana ein prest frå Mosul i Irak. Presten, Arkan Hana Hakim, hevda det no er 2 000 assyrisk-irakiske flyktningar i byen Jaramana aleine.[4]
Den 28. november og 12. desember 2012 vart den hovudsakleg drusiske og kristne byen råka av ein sjølvmordsbombar og ei bilbombe som tok livet av minst 54 sivile, inkludert kristne, drusarar, og sunnimuslimar. Sjølvmordsbombarane tok òg livet av fleire irakiske og palestinske flyktningar i Jaramana.