About Face Studioalbum av David Gilmour | ||
Språk | engelsk | |
Utgjeve | 5. mars 1984(Storbritannia) 6. mars 1984(USA)[1] | |
Innspelt | 1983 | |
Studio | Pathé Marconi Studio i Paris; Abbey Road Studios i London; miksa i Mayfair Studios i London[2] | |
Sjanger | ||
Lengd | 45:18 | |
Selskap | ||
Produsent |
| |
David Gilmour-kronologi | ||
---|---|---|
David Gilmour (1978) |
About Face | On an Island (2006)
|
Singlar frå About Face | ||
|
Meldingar | |
---|---|
Karakter | |
Kjelde | Karakter |
AllMusic | [3] |
About Face er det andre soloalbumet til Pink Floyd-gitaristen David Gilmour. Albumet kom ut i mars 1984 og var produsert saman med Bob Ezrin. To av songane, «All Lovers Are Deranged» og den meir radiovenlege «Love on the Air», hadde tekst skriven av Pete Townshend frå The Who, som lenge hadde vore ven av Gilmour. Resten av songane er skriven av Gilmour aleine. I mai same året gav Pink Floyd-medlemmen Roger Waters ut sitt første soloalbum, The Pros and Cons of Hitch Hiking.
Albumet vart spelt inn i Frankrike med lydteknikar Andrew Jackson på ei tid då framtida til Pink Floyd var usikker.[4] Albumet vart miksa av James Guthrie i Mayfair Studios i London.
Somme av musikarane som Gilmour arbeidde med var Jeff Porcaro, Pino Palladino, Deep Purple-organisten Jon Lord, Roy Harper, Michael Kamen (som òg arbeidde på Waters-albumet The Pros and Cons of Hitch Hiking), Sam Brown og Steve Winwood.
David Gilmour sa:
Visstnok vart somme av songane på About Face skriven av Gilmour då Roger Waters byrja å skrive Pink Floyd-albumet The Final Cut. Waters er sagt å ha nekta Gilmour tid til å gjere ferdig sine eigne songar, som gjorde at Gilmour ikkje fekk nokre av songane sine med på albumet. Av desse songane skal det ha vore «Murder», «Out of the Blue», «Near the End» og den musikalske orkestreringa av «Love on the Air» og «All Lovers are Deranged».
På albumet finn ein discoliknande singelen «Blue Light» (seinare remiksa av François Kevorkian og som ofte vart stemnd fram som den verste solosongen av ein Pink Floyd-medlem av Pink Floyd-magasinet The Amazing Pudding) og ein annan singel, «Love on the Air». «All Lovers Are Deranged» og «Murder» vart gjevne ut som singlar for radio i Nord-Amerika og den førstnemnde nådde 10. plass på Billboard's Mainstream Rock Charts.
«Murder» følgde og nådde 11. plass på same liste, og var eit rop frå Gilmour om det meiningslause drapet på John Lennon. Pino Palladino spelte bandlaus bass på songen og gav han ein funky stil i den akustiske førstedelen av songen.
Albumet nådde 21. plassen på albumlista i Storbritannia og 32. plassen i USA, der det selde til gullplate. I Noreg nådde albumet 10. plassen.
David Gilmour sa seinare i eit intervju med DJ Redbeard, for radioprogrammet In the Studio with Redbeard i 2006 om About Face, «når eg ser tilbake på det, så har det sine store augneblikk, men det meste der er for 80-tals for min smak i dag.»
About Face vart gjeve ut på nytt i 2006 med ny digital lyd.
Alle songar er skrivne av David Gilmour, bortsett frå «Love on the Air» og «All Lovers Are Deranged» med tekst av Pete Townshend.
Nr. | Tittel | Lengd |
---|---|---|
1. | «Until We Sleep» | 5:15 |
2. | «Murder» | 4:59 |
3. | «Love on the Air» | 4:19 |
4. | «Blue Light» | 4:35 |
5. | «Out of the Blue» | 3:35 |
Nr. | Tittel | Lengd |
---|---|---|
1. | «All Lovers Are Deranged» | 3:14 |
2. | «You Know I'm Right» | 5:06 |
3. | «Cruise» | 4:40 |
4. | «Let's Get Metaphysical» | 4:09 |
5. | «Near the End» | 5:36 |
Etter About Face, la Gilmour ut på ein turne frå mars til juli 1984 i Europa og Nord-Amerika, der han spelte følgjande songar:
Musikarar på turneen
David Gilmour - gitar, klaverinstrument, vokal
Gregg Dechart - klaverinstrument
Sue Evans - perkusjon (July 5–16)
Mickey Feat - bassgitar
Jody Lincott - perkusjon (March–June)
Mick Ralphs - gitar, vokal
Raff Ravenscroft - saksofon, fløyte, klaverinstrument
Chris Slade - trommer
Roy Harper og Nick Mason var med han på konsertane i Hammersmith Odeon 28-30. april 1984.
Album
Liste (1984) | Plassering |
---|---|
Tyskland Media Control Charts[7] | 24 |
Noreg VG-lista[8] | 10 |
Sweden Sverigetopplistan[9] | 13 |
Sveits Swiss Hitparade[10] | 15 |
US Billboard 200[11] | 32 |
Singlar – Billboard (USA)
År | Singel | Liste | Plassering |
---|---|---|---|
1984 | «Blue Light» | The Billboard Hot 100[12] | 62 |
1984 | «Blue Light» | Mainstream Rock Tracks | 35 |
1984 | «All Lovers Are Deranged» | Mainstream Rock Tracks | 10 |
1984 | «Murder» | Mainstream Rock Tracks | 13 |