Templat:Pedoman
Palecehan didefinisian sabagai suatu pola parilaku manyerang nan tampak batujuan indak elok tahadok urang nan manjadi sasarannyo, biasonyo (tapi indak acok) dengan tujuan untuak maancam atau mangintimidasi target utamonyo. Tujuan tindakan iko adolah untuak mambuek target manjadi indak nyaman manyuntiang Wikipedia, marandahan, menakuik-nakuikan, atau bahkan mambuek urang tu ketek hati hinggo akhirnyo samo sakali indak nio manyuntiang.
Palecehan, ancaman, pasan mangganggu dan tak diinginan nan barulang-ulang, sarato sarangan pribadi nan barulang dapek mangurangi kanyamanan saurang kontributor di Wikipedia dan dapek mambuek gangguan pado proyek ko jiko indak ditangani.
Istilah "panguntitan" ditujuan untuak parilaku mangikuti saurang kontributor tatantu, dengan antaro lain mangikuti diskusi tahadok laman atau topik nan disuntiangnyo, untuak malakuan konfrontasi atau maambek karya urang tu sacaro barulang, dengan tujuan untuak mambuek kajengkelan, gangguan, atau kaesusahan tahadok kontributor tasabuik.
Jiko tindakan palacakan tahadok saurang pangguno iko disaratoi jo sarangan pribadi atau parilaku marusak lainnyo, hal tasabuik dapek manjadi masalah nan serius dan dapek barakibaik pado pemblokiran dan pambatasan panyuntiangan lain.
Mangancam urang lain dianggok sabagai suatu pelecehan. Iko tamasuak ancaman untuak mambahayoan urang lain, mangganggu karya urang tu di Wikipedia, atau bahkan manyakiti urang tu.
Ancaman hukum dianggok sabagai kasus khusus dengan kabijakan panyalasaian nan khusus. Pangguno nan maagiahan ancaman hukum umumnyo akan diblokir salamonyo. Jadi, jan mangancam urang lain!
Pambeberan informasi pribadi urang lain (namo usali, tanggal lahia, nomor identifikasi, alamaik rumah atau karajo, jabatan dan organisasi tampek karajo, nomor telepon, alamaik email, atau informasi kontak lain, indak paduli apokah informasi itu batua atau salah) adolah suatu palecehan, kecuali jiko urang tasabuik sacaro sukarela mamuek informasi tasabuik, atau maagiahan pautan ka informasi tasabuik, di Wikipedia. Pangiriman informasi takah iko mangenai panyuntiang lain adolah suatu palanggaran privasi nan indak dapek dibenaran sarato dapek mambahayoan kontributor tasabuik di "dunia nyato". Suntiangan nan mamuek informasi pribadi iko harus capek dibaliakan dan diajuan pamintaan ka Pangawas untuak maapuih suntiangan tasabuik sacaro permanen dari Wikipedia.
Jiko Sanak mancaliak saurang kontributor mangiriman informasi pribadi mangenai urang lain, jan mangonfirmasi atau mambantah kaakuratan informasi tasabuik karano iko malah akan maagiah umpan baliak dek urang nan maagiahan informasi tasabuik atau urang lain nan mambaco laman tasabuik mangenai kaakuratan informasi tasabuik. Sawaktu malaporn upayo pambeberan informasi iko, jan maagiah komentar tantang kaakuratan informasi tasabuik, cukuik nyatoan sabagai "suatu upayo pambeberan informasi".
Kecuali indak disangajo danindak bamukasuik mambahayoan (sabagai contoh, jiko Wikipediawan saliang mangenal di lua situs, kadang inyo saliang manggunoan namo usali dalam diskusi), percobaan pambeberan adolah dasar bagi pamblokiran sakatiko.
Pambeberan korespondensi pribadi di lua Wikipedia tanpa pasatujuan pangirim indak disaranan untuak dilakuan. Pangaduan mangenai hal iko dapek mambuek pamblokiran, tagantuang pado panilaian tahadok bahayo nan ditimbuakannyo.
Pemberian paringatan-paringatan palsu atau diraguan di laman pambicaroan saurang pangguno, pamasuakan baliak komentar samacam itu sasudah diapuih, panempatan tag "dicurigai sabagai pangguno siluman" dan tag-tag sarupo lainnyo di laman pangguno dari saurang kontributor aktif, sarato upayo manampilan isi nan dapek manggaduah atau mampamaluan saurang di laman panggunonyo, ad0lah suatu bantuak umum palecehan.
Laman pengguno disadioan bagi kontributor untuak dapek maagiahan informasi umum mangenai dirinyo, sadangkan laman pambicaroan pangguno disadioan untuak mamfasilitasi komunikasi. Keduonyo indak buliah manggunoan untuak manampilan hal-hal nan marupoan dugaan tanpa bukti. Dugaan samacam itu sabaiknyo capek diajuan pado salah satu panguruih danindak manjadi bahan parang suntiangan untuak mamasoan pandangan Sanak di laman pangguno lain.
Jiko Sanak maraso dilecehan atau digduah, sangaik ditekanan untuak patamo-tamo barusaho basikap jo bareaksi dengan tanang, walaupun sulik. Jiko Sanak maraso masalah samakin indak dapek dikendalian, Sanak dapek mangontak salah satu panguruih malalui surat-e sacaro pribadi.
Walaupun para kontributor disaranan untuak mangabaikan atau manjawek dengan sopan untuak insiden-insiden palecehan, bukan bararti bahwa insiden tasabuik dapek ditarimo atau indak ado konsekuensinyo. Pola pamusuhan mangurangi kapacayoan komunitas tahadok niaik baiak seseorang, dan dapek dianggok sabagai tindakan nan meanggaduah. Pangguno nan taruih manaruih manggunoan gaya konfrontasi nan ditandoi dengan palecehan atau sarangan pribadi dapek manghadapi konsekuensi serius sarupo pamblokiran atau pamboikotan dek komunitas.