Jan pernah malakuan sarangan pribadi di Wikipedia. Bakomentarlah untuak isi, indak ka kontributor. Sarangan pribadi indak akan mambantu manyalasaian masalah, malahan dapek marusak komunitas Wikipedia dan manyuruikan samangek untuak bakontribusi mambangun ensiklopedia nan rancak.

Samo sakali indak ado alasan untuak malakuan sarangan personal tarhadok saorang kontributor. Jaan lakuan.

Pasiliasihan di laman diskusi akan dapek diliek dek siapopun nan dapek mangakses Internet. Parilaku dunsanak di Wikipedia akan badampak pado Wikipedia dan dunsanak sandiri. Tetaplah tenang.

Sabagian gadang wikiwan akan mahapuih sarangan pribadi nan ditamuannyo. Walaupun iko bukanlah marupoan suatu kabijakan tatulih, hal iko dianggap sabagai sabuah tindakan nan patuik untuak suatu sarangan nan keterlaluan. Banyak pangguno nan alah dicekal kareno barulang kali malakukan sarangan pribadi.

Para kontributor mungkin indak sapakaik manganai sabuah artikel. Anggota komunitas nan basabarangan mungkin ingin manyuaroan isi hati nyo. Manyatuan babagai pandangan iko ka dalam ciek artikel, akan manghasilkan sabuah tulisan nan labiah rancak dan labiah netral bagi kasado urang. Ingeklah untuak manarimo bahwa kito sadono tagabuang dalam satu komunitas gadang, kareno kito adolah wikiwan dan wikiwati.

Babarapo contoh dari sarangan pribadi:

• Komentar-komentar nan basifaik manuduah contohnyo "Budi itu kampungan" atau "Wati adalah penyunting yang bodoh" dapek dianggap sabagai sarangan tarhadok pribadi bilo dikacekan jo niek buruak atau untuak mamanciang pakalahian.
• Komentar-komentar pribadi misalnyo "Tulisan saya lebih baik daripada tulisan anda" atau "Apakah anda tidak ada kesibukan lain?".
• Melontarkan julukan-julukan nan barsifaik SARA nan ditujuan kapado kontributor lain. Julukan nan manyingguang SARA indak dipabuliehan walaupun jiko nan malontarkan julukan itu adolah tamasuak atau barasa dari kalompok nan dijulukinyo surang.
• Mengaik-ngaikan afiliasi sasaorang sabagai caro untuak marandahan atau manyalahan pandangan nan diutarokannyo, talapeh dari apokah afiliasi tasabuik bakaik jo hal-hal nan lazim atau ekstrim.
• Panggunoan kato-kato kasa tarhadok kontributor lain.
• Ancaman untuak mangajuan tuntutan hukum.
• Ancaman pambunuahan.
• Ancaman atau tindakan lain untuak mangadukan editor Wikipedia kapado lambago pamarintah, kalompok politik, agamo, dan lain sabagainyo atau kapado parorangan/oknum nan barasa dari lambago atau kalompok tasabuik. Bilo ditamuan palanggaran sapati iko dapek mangakibaikan diblokirnyo akun pangguno dalam jangko wakatu tatantu dek Pangurus Wikipedia (Sysops) dengan capek. Pangurus Wikipedia (Sysops) nan mamberian sanksi tasebuik harus sacaro rahasio mamberitahuan kepado anggota Komite Panangah dan Jimmy Wales manganai tindakan tasabuik basarato alasannyo.

Labiah baiak cubolah untuak:

• Bahas fakta-faktanyo sacaro obyektif dan pikiean bagaimano caro untuak mangutarakannyo dengan elok, bukan mambicarokan hal-hal pribadi dari pihak lain. Hal iko bukan bararti bahwa dunsanak harus salalu sapakaik jo urang lain, namun kito tantunyo dapek pulo sapakaik untuak indak sapakaik sacaro baradaik.
• Jan pernah mangatoan bahwa sabuah pandangan adolah indak batua hanyo karano pandapek tasabuik diutaroan dek urang nan dunsanak indak sukoi.
• Gali lebiah dalam pamasalahan nan sadang dibahas pado forum nan labiah tatutuik misalnyo e-mail jiko pambahasan nan tajadi bapotensi manjadi padebatan pribadi.
• Baco labiah lanjuik Wikipedia:Manyalasaian salisiah

Bilo dunsanak sacaro pribadi disarang, dunsanak harus maminta si panyarang untuak mahantian sarangannyo dan mangingekkannyo manganai kabijakan iko. Bilo sarangan taruih balanjuik, patimbangan untuak manjalanan proses resolusi paseliasihan. Dunsanak dapek pulo mampatimbangkan untuak manyalasaian sabuah sarangan pribadi nan spesifik jo mangikuti panduan nan ado ; walau demikian, dunsanak harus sangaik bahati-hati untuak indak mangartikan "sarangan pribadi" talalu lueh atau talalu acok. Barikuik iko adolah tamuan nan didapekan dek komite panamu fakta:

• Panduan panyalasaian sarangan pribadi (dan panarapannyo) adolah kontroversial. Panduan tasebuik acokkali disalahgunoan dek pangguno nan baniat buruk, dan mungkin indak akan mandapekan konsensus dari komunitas. Panduan tasabuik sabaiaknyo digunoan sacaro ketat dan hanyo bilo sangaik mandasak diparaluan.
• Bilo dunsanak tarnyato talalu acok manggunoan caro panyalasaian sarupo iko, mako dunsanak harus mampatimbangkan baliak pangertian dunsanak manganai "sarangan pribadi". Bilo ragu-ragu, labiah baiak ikuik an proses resolusi paseliasihan.
• Pado kasus-kasus nan ekstrim, saurang panyarang dapaek dikanakan pamblokiran badasarkan klausa Kabijakan Pamblokiran. Walau demikian praktek sarupo iko hampie salalu manjadi hal nan kontroversial. Sarangan pribadi harus dilaporan pado WP:PAIN.
• Agia saran jo masukan tarhadok kabijakan nan balaku malalui Kadai Kopi.
• "Hantam selagi lemah" anggapan nan manyasaikan.

Catatan: Ado babarapo urang pangguno Wikipedia nan indak populer mungkin kareno parilaku nyo sambrono atau kasa di wakatu nan lalu. Para pangguno sarupo inyo mungkin alah dikanai sanksi disipliner dek Komite Panengah Sapertinyo wajar-wajar sajo bilo inyo-inyo iko lanteh "disarang" atau dicemooh karano maso lalunyo. Anggapan iko sabananyo manyasaikan; mambuek kasalahan adolah hal nan manusiawi, kito justru dapek baraja dari nyo dan mampabaiki caro-caro nan inyo lakuaan. Dek kareno tu paraturan NPA balaku untuak kasado pangguno tanpa pandang bulu talapeh dari maso lalunyo atau anggapan pangguno lain.

Merupaan tanggung jawab kito basamo untuak mambangun jo mamaliharo sabuah komunitas online nan positif di Wikipedia. Sarangan pribadi ka pangguno siapo pun — talapeh dari maso lalunyo — adolah batantangan jo samangaik kabasamoan ko.

Templat:Liek

• Wikipedia:Etikawiki
• Wikipedia:Kesopanan
• Wikipedia:Jangan gigit pengguna baru
• Pelecehan

Templat:Kebijakan dan pedoman Wikipedia