Biografi | |
---|---|
Lahia | 27 April 1940 (84 tahun (id) terjemahkan) Kota Banda Aceh |
Kalompok etnis | Urang Minangkabau |
Almamater | Akademi Pimpinan Perusahaan Jakarta (id) Universitas Krisnadwipayana (id) |
Kagiatan | |
Karajo | Pebisnis (id) |
Kaluarga | |
Pasangan hiduik | Nursiah (id) |
Anak | Dipo Latief (id) Medina Latief Harjani |
Abak | Mohammad Latief (id) |
Drs. Abdul Latief (lahia 27 April 1940) adolah saurang pangusaho Indonesia nan juo parnah manjabaik sabagai menteri pado era pamarintahan Presiden Soeharto.
Abdul Latief marupoan anak dari pasangan perantau Minang Mohammad Latief jo Sitti Rahmah nan barasa dari Pasa Gadang, Padang, Sumatera Barat.[1] Pado taun 1920, ayahnyo pai marantau ka Banda Aceh, jo kamudian inyo lahia disinan. Disampiang badagang, ayahnyo juo aktif dalam organisasi kaagamaan Muhammadiyah. Katiko baumua ampek taun, ayahnyo maningga dunia. Satalah itu inyo diasuah dek ibunyo.
Latief marupoan lulusan Akademi Pimpinan Perusahaan Jakarta (1963) jo S-1 Fakultas Ekonomi Universitas Krisnadwipayana, Jakarta (1965). Pado umua 20 taun, inyo alah manggaleh talua jo bawang. Samaso kuliah inyo alah bakarajo di Toserba Sarinah. Di sinan inyo dipacayo untuak mampalajari manajemen toko serba ado Seibu, Jepang. Sapulangnyo dari Tokyo inyo bakandak mangambangkan konsep pamasaran nan dipalajarinyo ka dalam konsep pamasaran "Sarinah". Namun atasannyo barak ati jo konsep nan inyo tawaran itu.[2]
Kalua dari Toserba Sarinah, Latief mambaranikan diri untuak manjadi pangusaho jo mangambangkan toserbanyo surang. Untuak itu, langkah partamo nan inyo lakukan adolah mambali toko ketek di Grogol, Jakarta. Pado taun 1974, Latief mendirikan PT Indonesia Product Centre Sarinah Jaya. Parusahaan iko mangalola swalayan nan mamasarkan produk-produk industri ketek. Satahun kamudian, inyo mambukak cabang di Singapura. Pado taun 1981, Latief memodernisasi swalayannyo jo mambangun Pasaraya departement store.[3] Pado taun 2001 inyo marambah bisnis media jo caro mambuek jaringan televisi Lativi. Kini Abdul Latief masuak ka dalam jajaran konglomerat Indonesia nan cukuik sukses. Di bawah bendera ALatief Corporation, inyo mangalola bisnis periklanan, agrobisnis, hotel, asuransi, properti, konstruksi, eceran, jo media massa. Kini kagiatan bisnisnyo banyak ditangani dek putra-putrinyo, Medina Latief Harjani dan Ahmad Dipo Ditiro.[4]
Abdul Latief marupokan salah saurang pandiri HIPMI jo marupoan ketua umum partamo dari organisasi pangusaho mudo tasabuik. Prestasinyo dalam bidang padagangan, manyebabkan inyo ditarik ka dalam kabinet pamarintahan Soeharto.
Inyo pernah manduduki posisi Menteri Tenaga Kerja (1993 - 1998) jo Menteri Pariwisata, Seni, jo Budaya (1998). Sabalumnyo, Inyo adolah Anggota DPR/MPR untuak periode 1997-2002 mawakili Partai Golongan Karya untuak Sumatera Barat. Pado awal taun 1998, Latief mangundurkan diri dari Kabinet Pambangunan VII nan diikuti dek belasan menteri lainnyo. Kamunduran Latief marupoan awal kajatuhan pamarintahan Soeharto.
Jabatan politik | ||
---|---|---|
Didaului jo: Cosmas Batubara |
Menteri Tenaga Kerja Indonesia 1993 – 1998 |
Digantian dek: Theo L. Sambuaga |
Didaului jo: Joop Ave |
Menteri Pariwisata, Seni, dan Budaya Indonesia 1998 |
Digantian dek: Marzuki Usman |