Marzuki Usman
Lahia	30 September 1943 (umua 80) Mersam, Batanghari, Jambi
Kabangsaan	Indonesia
Alma mater	Universitas Gadjah Mada Duke University
Kantua	Menteri Kehutanan dan Perkebunan Indonesia
Pandahulu	Nur Mahmudi Ismail
Panaruih	Mohamad Prakosa
Pasangan	Aswarni Busro
Anak	Ika Safmarani Usman Marzani Romazed Usman Marzuki Usman Putera Maradesmu Ahba Usman Marlisani Warsoli Usman

Drs. H. Marzuki Usman, M.A., bagala Sri Paduko Alam Mangkunegeri^[1] (lahia di Mersam, Batanghari, Jambi, 30 September 1943; umua 80 taun) adolah saurang ekonom jo pakar pasar modal Indonesia. Inyo juo pernah manjabek sabagai Menteri Pariwisata Pos jo Telekomunikasi (Kabinet Reformasi Pembangunan) sarato Menteri Kahutanan jo Perkebunan (Kabinet Persatuan Nasional).

Marzuki marupoan anak kaampek dari sambilan basudaro. Ayahnyo, H. Usman Abul barasa dari Minangkabau, sadangkan ibunyo, Cholijah basuku Melayu Jambi.^[2]

Samaso manjadi mahasiswa, Marzuki pernah manjabek sabagai aktivis di HMI cabang Yogyakarta pado taun 1963 sampai 1966, jo DPP Ikatan Mahasiswa Muhammadiyah (IMM) pado taun 1967 sampai 1969. Marzuki maraih gala sarjana dari Fakultas Ekonomi, Universitas Gajah Mada, Yogyakarta pado taun 1969. Ateh bantuan dari J.B. Sumarlin jo Ali Wardhana, inyo bisa mandapekan beasiswa dari Ford Foundation untuak kuliah di Duke University, Durham, North Carolina, Amerika Sarikat, sampai inyo mandapek gala Master of Arts pado taun 1975.^[3]

Sabalum diangkek sabagai menteri, inyo pernah manduduaki jabatan sabagai Kapalo Badan Pengelola Pasar Modal (Bapepam), Departemen Keuangan. Di siko, inyo berhasil mangubah kesan masyarakaik Indonesia akan pantiangnyo barinvestasi. Salanjuiknya, dek pamarentah inyo diangkek sabagai Komisaris Utamo Bursa Efek Jakarta. Strategi pamasaran nan inyo takankan kapado Direksi BEJ sangaik efektif mambuek kinerja BEJ maningkek drastis. Pado maso iko BEJ pernah mangalami booming investasi nan lua biaso diminati dek banyak investor.^[4]

Di bidang akademis, inyo pernah manjadi dosen di FE-UGM, UII, FE-UI, Program PPN-UI, LPPI, Dewan Penyantun IPMI dan Magister Manajemen UGM, FE Universitas Jambi, Univeristas Batanghari Jambi, jo STIE Muhammadiyah Jambi sarato anggota Dewan Penasehat Duke Islamic Studies (DISC), AS.^[5]

Di bidang panulisan, inyo alah manghasilkan 400 karya barupo buku jo esai, antaro lain:

• Untaian Karangan Keuangan dan Perbankan Indonesia, Infobank & ISEI, 1989, bersama Widjanarko dan Sjahrir
• Pembiayaan Investasi Kendala dan Prospek, 1991, bersama Robert Chia, Suyanto G, Wong Kwei Chong
• Globalization of the Jakarta Stock Exchange, Prentice Hall, 1992
• Tiga Menakbir Mimpi, 1998

Artikel ekonomi nan dimuek di Jurnal Ekonomi jo Sosial Prisma (LP3ES), Infobank, Management jo Usahawan Indonesia, Keuangan, Pengembangan Perbankan, Warta ISEI, esai ekonomi, sabagian besar di harian Sinar Harapan, antaro lain:

• "Label Self Assessment, Prakteknya Official Assesment" pado 27 Desember 2013
• "Indonesia Lumbung Pangan Dunia" pado 21 Februari 2014
• "Presiden RI 2014–2019 Wajib Memberikan Satu Hektar Tanah Kepado Rakyat yang Tidak Berpunya" pado 23 Mei 2014

• Staf Ditjen Keuangan, Departemen Keuangan, 1969
• Direktur Investasi dan Kekayaan Negara, Ditjen Moneter, 1977–1998
• Direktur Lembaga Keuangan dan Akuntansi
• Kepala Badan Pengelola Pasar Modal (Bapepam), Departemen Keuangan, 1988–1991
• Kepala Badan Pendidikan dan Pelatihan Keuangan (BPPK), Departemen Keuangan, 1991–1995
• Kepala Badan Analisis Keuangan dan Moneter, Departemen Keuangan, 1995–1998
• Sekretaris Kementerian Negara Pendayagunaan BUMN, 1998
• Komisaris Utama PT Bursa Efek (BEJ), Jakarta
• Anggota MPR-RI sabagai Ketua Fraksi Utusan Golongan, 1997–2001
• Menteri Pariwisata, Seni dan Budaya (Men Parsenibud) pado Kabinet Reformasi Pembangunan, 1998–1999
• Menteri Negara Penggerak Dana Investasi/Kepala Badan Koordinasi Penanaman Modal (BKPM) pado Kabinet Reformasi Pembangunan, 1999
• Deputy Chairman PT Lippo E-Net, Tbk
• Menteri Kehutanan RI pado Kabinet Persatuan Nasional, 2001

• Usman, Marzuki. 2017. Prof. Dr. Ali Wardhana: Pembaharu Kebijakan Moneter dan Fiskal di Indonesia. Jakarta: PP ISEI.

• (Indonesia) Marzuki Usman @ TokohIndonesia.com Archived 2009-12-31 di Wayback Machine.
• (Indonesia) Marzuki Usman, Ekonomi Bengak Archived 2007-07-04 di Wayback Machine.
• (Indonesia) Marzuki Usman Berasal dan Hidup dari Hutan Archived 2010-03-07 di Wayback Machine.