Ny Asaramantsina dia iray amin'ireo volana malagasy mitondra anarana avy amin'ny teny sanskrita. Ny Sakave no eo alohany ary ny Asaramanitra no eo aoriany. Misy koa ny Malagasy manonona hoe Saramantsina, Saramantsy, Asaramanara, Saramaimbo, Asaramaimbo. Ny Vezo sy ny Masikoro dia mamanao hoe Pitsamaimbo. Na dia mampiasa teny mitovy na mitovitovy aza ny isam-paritra dia mety samihafa ny fari-otoana ao amin'ny taona tondroina amin'io teny io arakaraka ny faritra eto Madagasikara.
Amin'ny Bezanozano dia volana faha-12 ny Asaramantsina fa fahasivy kosa amin'ny Sihanaka (Rakotosaona, 1972)[1]. I Richardson dia nanoratra fa volana mifanandrify amin'ny Adaoro merina ny Asaramantsina[1].
- Rakotosaona, Rakibolana, 1972/1975 (tsy voatonta).
- Deschamps Hubert, Le dialecte Antaisaka, Imprimerie Moderne de l'Emyrne. 1936.
- David sy Irrigaray, Lexique des dialectes du Nord de Madagascar, 1952.
- Richardson James (Rev.), A New Malagasy-English Dictionary, The London Missionary Society, Antananarivo, 1885. Reprinted in 1967 by Gregg Press Limited, 1 Westmead, Farnborough, Hants., England, 1885
- Gwyn Campbell, David Griffiths and the Missionary "History of Madagascar", 2012,
- William Ellis, History of Madagascar: Comprising Also the Progress of the Christian Mission Established in 1818 ..., 1838.
- ↑ 1,0 et 1,1 "Asaramatsina", in Rakibolana malagasy sy Rakipahalalana momba an'i Madagasikara