Pteranodōn (-ontis, m.; a Graecis verbis πτερόν "ala" et ἀνόδων "edentulus") est genus ex ordine pterosauriorum, quod tres species complectitur. quae Aevo Cretaceo superiore in America Septentrionali vixerunt, piscibus vescentes. Pteranodontum alae septem, in sternbergi specie etiam novem metra latitudine consequuntur. Species Pteranodontis longicipitis, quam in serie Jurassic Park frequenter est videre, huic generi maximam notitiam inter pterosauria meruit.