Boreus est maxime varium ex tribus generibus mecopterorum familiae Boreidarum. Quae insecta boreidae hiemales vulgo appellantur quia cum veris panorpidis arte cognatae sunt et frigidas petunt habitationes.
Species huius generis colore obscuro sunt, a 3 ad 5 millimetra longae, earumque alae sunt imminutae et inutiles. Alae in maribus lororum similes sunt, sed in feminis brevia segmenta reliqua sunt. Feminis est ovipositor acutus. Ambobus sexibus est caput praelongum, rostrum proprie appellatum. Larvae, vermiculorum similes, plerumque glabrae sunt et procruribus carent.
Earum distributio geographica est holarctica et oecosystemata borealia, et habitationes elatas petunt.
Species Borei ad circumiecta frigida penitus aptae sunt, et in superficie nivis saepe inveniuntur. Quamquam volatu carent, salire et subsaltare possunt. Omnes species, et adulti et larvae, bryophytis vescuntur. Mares loris duratis utuntur ad feminas prehendendas atque eas super eorum terga per coitum tollent.[1]
Huic generi sunt viginti septem fere species.
Fontes datorum: i = ITIS; c = Catalogue of Life; g = GBIF; b = Bugguide.net.
![]() |
Situs scientifici: • ITIS • NCBI • Biodiversity • Encyclopedia of Life |