Rege |
---|
instantia de: noble title[*], function[*], profession[*] |
subclasse de: monarcha[*], masculo |
![]() |
|
Commons: Kings |
Rege es le titulo monarchic le plus alte sub imperator, e indica le capite (mascule) de un monarchia. Le equivalente feminin se appella regina.
Historicamente se dava in alcun tribos e populos le titulo rege al autoritate maxime. In le initio le rege esseva sovente eligite, sed le titulo deveniva tosto hereditari. Non omne monarchas se appella reges o reginas: in Monaco e Liechtenstein le capite del stato es un prince e in Luxemburgo un granduce.
Le reges habeva originalmente como corona super lor cascos un banda auree con decorationes foliacee.
Le rege, essente le persona altissime del pais, non es parte del nobilitate sed es superior a illo.
Trans le epochas existeva diverse regnos in Europa. Alcunes dispareva per conquesta, alteres per fusion.
Il existe regnos traditional al nivello subnational o costumari in plure republicas (Africa del Sud, Burkina Faso, Camerun, Costa de Ebore, Ghana, Uganda...).
Brasil e Mexico esseva anque monarchias durante un parte del seculo 19, ma le titulo de lor soveranos esseva «imperator» e non «rege».