Florentia[1] (del latino classic, o Firenze in italiano) es un citate del region Toscana situate in le centro-west de Italia. Illo es le citate capital de su region e del Citate metropolitan de Florentia. Illo es le centro urban con le population le plus grande in Toscana, 367 569 habitantes (1 500 000 in le area metropolitan).[2]
Le citate era un centro de mercato e financia in le Medievo quando illo era uno del plus ric citates del mundo.[3]
Florentia es considerate le situation del nascentia del Renascentia o del renascentia Italian; de facto, illo era nominate le Athenas del Medievo.[4] Del 1865 a 1870 le citate era le capital del Regno de Italia.
Le centro historic de Florentia ha essite declarate un sito de Patrimonio Mundial del UNESCO in 1982.
Florentia es considerate como uno de le plus belle citates in le mundo,[5][6] e su hereditage artistic,[7] historic e cultural e le impacto in le mundo remane grande usque hodie. Le citate ha un impacto major European in musica, architectura, education, cocina, moda, philosophia, scientia e religion.
Le centro historic de Florentia contene numerose piazzas elegante, palazzi Renaissance, academias, parcos, jardines, ecclesias, monasterios, museos, e atelieres.
Le citate ha essite nominate, con referentia a un studio de 2007, como le plus desiderate destination pro touristas in le mundo.[8]
Le citate ha un grande rangia de collectiones de arte, especialmente le Palazzo Pitti e le Uffizi, (que ha 1,6 million touristes per anno).[9]
Florentia es le ultime preservate citate del Renaissance in le mundo[10] e es considerate de multe como le capital del arte de Italia.
Florentia era un citate Roman, le situation de nascentia del Renaissance Italian (o le "Renaissance Florentin"), e es considerate per le Encyclopaedia Britannica uno del plus importante citates del Europa e del mundo politic, economic, e cultural por 250 annos in le seculos XIV - XVI.[11]
Florentia era fundate per Julius Caesar in 59 aEC como un citate pro su soldatos veteran. Illo esseva appellate Florentia ("le florescente") e construite in le stylo de un campo militar con le stratas principal, le cardo e le decumanus, intersecante le Piazza della Repubblica presente. Situate in le Via Cassia, le routa principal dentre Roma e le nord, e con le vale fertile del rio Arno, le citate ha devenite rapide un centro commercial importante.
|