ISO 3103 (ԻՍՕ 3103), Ստանդարտացման միջազգային կազմակերպության (ԻՍՕ) հրապարակած ստանդարտ, որով որոշվում է թեյի թրմեցման եղանակը։ Ստանդարտն ստեղծել է ԻՍՕ-ի թիվ 34 տեխնիկական կոմիտեի թիվ 8 ենթակոմիտեն (թեյ) 1980 թվականին[1]։
Ստանդարտը ներկայացնում է կավե սափորների կամ ճենապակյա ամանների մեջ թեյի չոր տերևներից լուծվող նյութերի ստացման եղանակը՝ սպիտակ կավե կամ ճենապակյա ամանների մեջ թարմ եռացրած ջուր լցնելու միջոցով։ Դրանից հետո ուսումնասիրվում են տերևների և ստացված հեղուկի օրգանոլեպտիկ հատկությունները՝ կաթով կամ առանց դրա։
Սույն ստանդարտով որոշվում է թեյի թրմեցման եղանակը՝ իրականացնելով դրա համտեսումը[2][3]։
Ստանդարտը քննադատվել է թեյնիկը նախապես տաքացնելու կարևոր փուլը անտեսելու համար[4]։ Իռլանդիան միակն էր, ով քվեարկել էր դեմ՝ տեխնիկական հարցերում անհամաձայնությունների պատճառով[5]։
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել ISO 3103 կատեգորիայում։ |
|