Soiuz TM-19 | |
---|---|
Parche da misión Soiuz TM-19. | |
Tipo | Tripulada |
Data de lanzamento | 1 de xullo de 1994, 12:24 GMT[1][2][3][4] |
Foguete portador | Soiuz U2[2][5] |
Sitio de lanzamento | Cosmódromo de Baikonur[2][6] |
Duración da misión | 125,95 días[6] |
Obxectivo da misión | Acoplamento coa Mir.[2][6] |
Regreso | 4 de novembro de 1994, 11:18 GMT[1][6] |
NSSDC ID | 1994-036A |
Masa | 7150,0 kg[2][5][6] |
Soiuz TM-19 foi unha misión espacial tripulada rusa lanzada o 1 de xullo de 1994 mediante un foguete Soiuz U2 desde o cosmódromo de Baikonur.[2][3][5]
Soiuz TM-19, unha Soiuz modelo TM cos cosmonautas Iuri Malenchenko e Talgat Musabaiev a bordo, foi unha misión lanzada para acoplarse coa estación espacial Mir, facer experimentos científicos e manter a estación.[2][3][4][5]
Durante a súa estancia recibiron a visita da Progress M-24, que tivo problemas na aproximación á estación e impactou con ela un par de veces. A nave tivo que ser acoplada de maneira remota manualmente por Malenchenko. Durante a misión tamén chegou a Soiuz TM-20.[2][3][4][5]
A Soiuz regresou a terra o 4 de novembro de 1994 ás 11:18 GMT, tocando terra a uns 110 km ao nordeste de Arkalyk (Casaquistán).[2][3][4][5]