Un desastre ambiental ou desastre medioambiental é un desastre no ambiente natural debido á actividade humana.[2] Non se debe confundir co concepto de desastre natural.
Os desastres ambientais poden ter efectos sobre a agricultura, a biodiversidade, a economía e a saúde humana. As causas son a contaminación, o esgotamento dos recursos naturais, a actividade industrial ou as malas prácticas agrícolas.
Nos desastres ambientais, o impacto da alteración do ecosistema realizada polo ser humano adoita levar a consecuencias xeneralizadas e de longa duración.[3] Entre elas pódense incluír as mortes de animais (incluíndo humanos) e plantas, ou a alteración grave da vida humana, que probabelmente requira da migración.[4]