Fatima Amiri
Bizitza
Jaiotza2005 (18/19 urte)
Herrialdea Afganistan
Jarduerak
Jarduerakikaslea
Jasotako sariak

Fatima Amiri (Afganistan, 2005) 2022ko irailaren 30ean Kabulen egin zen eraso suizidatik bizirik atera zen pertsonetako bat da. 2022an BBCk munduko 100 emakume inspiratzaileen zerrendan sartu zuen.[1]

2022ko erasoa

Fàtima Amiri Kabulgo ikastetxe batean egindako eraso terroristatik bizirik atera zen. Inguruko ospitalera korrika egin zuen.[2] Zauri larrien ondorioz begi bat eta belarri bat galdu zituen. Aurpegian metraila du oraindik, baita masailezurreko mina ere.[1][2][3][4][5]

Medikuen arabera, atzerrira joan behar zuen kirurgia delikatua behar zuelako aurpegiko metraila atera, masailezurra konpondu eta belarriaren barne-ehuna lehengoratzeko. Baina, Fatimaren familia oso pobrea izanik, ezin zuen neskaren bidaia ordaindu.[6]

2022ko azaroan, Virginian bizi zen afganistango bikote batek crowdfunding bat ireki zuen Fàtima tratatzeko, eta, bi astetan, behar zen dirua bildu zen.[6] Beste iturri batzuen arabera, diru-bilketa Farhad Daryak eta Musa Zafarrek sortu zuten.[7] Hari laguntzeko, besteak beste, OS Campaigners eta The Omar Jan Mayaar Foundation kanpainak egin zituzten. Nazioarteko zigorren ondorioz zaila zen afganistarena dirua bidaltzea eta bertan zeuden enbaxada gehienak itxita egoteaz gain gobernuak pasaporteak emateari utzi zion.[6]

Zailtasunak zailtasun, 2022ko abenduaren hasieran, Fatima Amiri Turkiara iritsi zen tratamendu medikoari ekiteko.[7]

Erasoak eragindako zaurietatik sendatzen ari zen bitartean, Afganistango unibertsitateko azterketara aurkeztu zen. "Kankor" izeneko azterketara aurkeztu ziren 100.000 ikasleetatik hamar hoberen artean geratu eta Kabulgo Unibertsitatean informatika ikastea erabaki zuen.[2][3][4][5][8][9][10][11]

Sariak eta Aitortzak

Erreferentziak

  1. ↑ a b c «BBC 100 Women 2022: quem está na lista das mulheres mais inspiradoras do mundo deste ano? - BBC News Brasil» News Brasil.
  2. ↑ a b c «Hazara girl wounded in deadly Afghan attack triumphs in exams» France 24 2022-11-07.
  3. ↑ a b «Hazara girl wounded in deadly Afghan attack triumphs in exams» RFI 2022-11-07.
  4. ↑ a b c «Fatima Amiri, A Teenage Afghan Student, Survivor of Kaaj Suicide Attack Makes It to ‘BBC 100 Women 2022’ | New Age Islam News Bureau» www.newageislam.com.
  5. ↑ a b AFP, By Salaam Times and. «Hazara girl wounded in deadly Kabul school attack triumphs on Kankor» Salaam Times.
  6. ↑ a b c «US Campaigners Raise Funds for Afghan Blast Survivor» VOA.
  7. ↑ a b Sirat, Siyar. (2022-12-14). «Fatima Amiri, survivor of Kaaj attack, in Turkey for treatment» Amu TV.
  8. ↑ «Jovem ferida em ataque fica entre os melhores em vestibular no Afeganistão» www.folhape.com.br.
  9. ↑ Topics, Head. «Fatima Amiri Notícia - As últimas notícias sobre Fatima Amiri» Head Topics.
  10. ↑ «Afghanistan: Girl partially blind and deaf from terrorist attack passes university entrance exam | Video Ruptly» www.ruptly.tv.
  11. ↑ Debate, El. (2022-11-16). «Fatima, la joven afgana que superó las heridas de un atentado para ir a la Universidad» El Debate.

Kanpo estekak


Kategoriak