| Carolina Herrera | |
|---|---|
 (2007) | |
| Bizitza | |
| Jaiotzako izen-deiturak | María Carolina Josefina Pacanins Niño |
| Jaiotza | Caracas, 1939ko urtarrilaren 8a (85 urte) |
| Herrialdea |  Venezuela  Ameriketako Estatu Batuak (2008 - |
| Lehen hizkuntza | gaztelania |
| Familia | |
| Aita | Guillermo Pacanins Acevedo |
| Hezkuntza | |
| Hizkuntzak | gaztelania ingelesa |
| Jarduerak | |
| Jarduerak | moda-diseinatzailea eta enpresaburua |
| Jasotako sariak | ikusi
|
| carolinaherrera.com | |
       | |
Carolina Herrera, jaiotzaz María Carolina Josefina Pacanins Niño (Caracas, Venezuela, 1939ko urtarrilaren 8a) venezolar enpresaburua, moda-diseinatzailea eta aktorea. Mundu osoan da ezaguna. 1981ean bere moda-etxea sortu zuen. Torre Casaren markesa ezkontidea izan zen, 1984an titulua ezeztatu arte.[1][2]
María Carolina Josefina Pacanins Niño dukesaren gurasoak, 1950 eta 1958 bitartean Caracasen militar, hegazkinlari eta gobernadore izan zen Guillermo Pacanins Acevedo, eta María Cristina Niño Passios ziren. Hiru ahizpa ditu. Venezuelako familia aberats batean jaio zenez, festetara eta galetara joaten ohituta dago. Hamahiru urte zituela, amonak Cristobal Balentziagaren desfile batera eraman zuen.[3]
Hamazortzi urterekin ezkondu zen Guillermo Behrens Tello venezuelarrarekin, eta harekin izan zituen lehen bi alabak, Mercedes eta Ana Luisa. Dibortzioaren ondoren, 1969an Vanity Fair aldizkariaren editorea zen Reinaldo Herrera aristokrata venezuelarrarekin ezkondu zen. Harekin beste bi alaba izan zituen, Carolina Adriana eta Patricia Cristina. Bigarren senar horren abizena hartu eta ezagun egin du. 1971n, 32 urte zituela, munduko ondoen jantzitakoen zerrendan agertu zen. 1965ean publizista lan egin zuen Emilio Puccik Caracasen zuen boutikean.
Carolina Junior, bere lau alabetako hirugarrena, bere laguntzaile hurbilena da eta bere lurrin batzuen irudia izan da.
2009an, Herrera estatubatuar egin zen.
42 urte zituela, nazioarteko modaren munduan sartzea erabaki zuen, eta nazioartean onartutako moda-diseinatzaile bihurtu zen.[4] 1960ko hamarkadaz geroztik estuki lotuta egon zen Estatu Batuetako goi-mailako gizartearekin, eta erreferente bihurtu zen Studio 54 ikonikoaren New Yorkeko bohemiaren jai eta bilera sozialetan, eta hainbat pertsonaiaz inguratu zen, hala nola Andy Warhol, Diana Vreeland, Halston eta Bianca Jagger.
Ikono zen Carolina Herrerak 1981ean egin zuen lehen desfilea.[3][2] 1982an Isabel Yugoslaviako printzesa, Naty Abascal, Consuelo Crespi kondesa, Elizabeth II.a Erresuma Batuko erregina, Ivana Trump, Kathleen Turner eta Nancy Reagan janzten zituen. Hamabi urtez Jacqueline Kennedy Onassis jantzi zuen.[5]
Modaren munduarekiko errespetua izan duen karrera meteorikoa garatu zuen: 1980an aurkeztu zuen lehen moda-bilduma; 1986an, andregaientzako lehen sorkuntzak, eta 1988an kaleratu zuen lehen lurrina, bai emakumeentzat bai gizonezkoentzat.
1982az geroztik New Yorken ezarria, Carolina Herrera luxuarekin eta kalitatearekin identifikatzen saiatu zen 1970., 1980. eta 1990. urteetan, eta une honetara arte munduan hobekien jantzitako emakumeetako bat izateko.[6]
Lehen bildumatik, Carolina Herrerak Estatu Batuetako eta nazioarteko publikoaren onarpena eta mirespena izan du. Jende ospetsu askok jantzi dituzte berak diseinatutako jantziak, besteak beste, Nicole Kidman,[7] Anna Wintour, Letizia erregina, Meghan Markle, Renée Zellweger, Amy Adams, Jessica Alba, Oprah Winfrey, Jessica Simpson, Blake Lively, Angelina Jolie, Cynthia Nixon, Katie Holmes, Tina Fey, Dianna Agron, Julie Bowen, Michelle Pfeiffer, Robert Pattinson, Kim Kardashian, Katy Perry, Amber Heard, Kristen Stewart, Meryl Streep, Halle Berry, Beyonce, Salma Hayek, Shakira, Celine Dion, Karlie Kloss, Taylor Swift, Tyra Banks, Sofía Vergara, Lucy Liu eta Lady Gaga Makilajea eta lurrinak ere baditu.[8] También tiene línea de maquillaje y fragancias. 2008tik mundu osora esportatzen du, gutxienez 50 boutique eta banaketa-lineekin, 280 merkataritza-zentrotan, 104 herrialdetan.[9]
Carolina Herrerak hainbat aintzatespen jaso ditu bere ibilbidean egindako lanarengatik.
Espainiako Puig moda- eta lurrin-konpainiaren bidez, Carolina Herrerak lurringintza ere lantzen du, eta bere bildumetatik lurrinak ateratzen ditu urtero. 60 lurrin ditu sortuta.[16][17]
1988an lehen lurrina atera zuen merkatura, Carolina Herrera, izeneko horri, beste hainbatek jarraitu diote:
Datuak: Q264589
Multimedia: Carolina Herrera / Q264589
.svg){kind=small}