In Richtung Reichahoi / Berchtsgoan schliaßt si da Rupertiwinke o. De Ortschaftn rechts und links vo da Traun bzw. da Alz lieng oisamt im Cheamgau. Inzell guit ois „Tor“ vom Cheamgau zum Berchtsgoana Lond.
Troschtberg und des obare Oizdoi mit Ischl a.d.Alz, Poing (Chiemgau), Truchtling, Baumburg, Oidnmarkt, Mögling, Sankt Wolfgang (Altenmarkt), Schedling, Deinting, Heiligkreiz, Tacherting, Peterskira (Tacherting), Feldkira, Engelsberg und Emertsham
Untam Hoachfelln: Bergn, Bernhaupten, Vachadorf, Einharting, Bad Adelholzen, Maria Eck
Da Nam Cheamgau und Cheamsee hängan mitm Ortsnam Cheaming zam, der vom Personennama „Chiemo“ (7./8. Jahrhundert) her kimmt. Am End vom 8. Jahrhundert is der Nam „Cheamgau“ a as easchte moi in Urkundn ois „Chimigaoe“ auftaucht und hod domois no a kleanas Gebiet ums Dorf Cheaming ummadum gmoant. Durch de Jahrhunderte hod si as Gebiet vom Cheamgau imma weita ausbroadd.