Ruahpading (amtli: Ruhpolding) is a Gmoa mit 7010 Eihwohna (2015) im obaboarischnLandkroas Traunstoa in de Cheamgaua Oipn. Da Haptort liegt im Ruahpadinga Toikessl, wo aa „Miasenbocha Toi“ gnennt wead. Ruahpading is a iwaregional bekannta Kur- und Fremdnvakeasort.
Da Nama Ruahpading kimmt vom bajuwarischn „Rupoltingin“. Des hoasst so vei wia „ba dena Leidln vom berihmtn stoarkn Mo“ (pold = stoark, ru[d] = berihmt).
Eadkunde
Ruahpading vom Unternberg
Klima
Im Joar 2009 wor Ruahpading-Seehaus laut da Wettabilanz vom Deitschn Wetterdienst mit ana Niadaschlogsmengen vo 2.456 Millilita im Jahr da nossaste Ort vo Deitschland.[1]
De easchte urkundliche Erwähnung vom heitign Ortsteil Buachschacha stammt aus'm Joar 924. Des Guat Ruhpoldingen werd ummara 1193 zum easchtn Moi gnennt. Ruhpolding im heitign Obabayern hot zum Rentamt Burghausn und zum Landgricht Traustoa vom Kurfiarstntum Bayern ghert. Im Zug vo de Vawoitungsreformen im Kinireich Bayern han mit am Gmoa-Edikt vo 1818 de Gmoana Ruahpading, Vachenau und Zell. 1882 is do draus de heitige politische Gmoa entstandn. 1933 is Ruahpading durch an Carl Degener, der a Reisebüro in Berlin ghabt hot, fia'n Fremdnvakea entdeckt worn.
Eihwohnaentwicklung
Aufm Gebiet vo da Gmoa han 1970 5951 Eihwohna, 1987 dann 6116, 2000 6264 2014 6799 und im Joar 2015 7010 Eihwohna zejd worn.
Politik
Buagamoasta is da Pichler Claus (SPD). Er is im Joar 2008 Nachfoiga vom Hallweger Andreas (CSU) worn.
De Gmoasteiereinahmen warn im Joar 1999 umgrechnet 3323 T€, davo war de Gewerbesteia (netto) umgrechnet 502 T€.
Wiatschaft und Infrastruktur
Wiatschaft
Es hot 1998 noch da amtlichn Statistik im Bereich vo da Land- und Forstwirtschaft 55, im produzierenden Gwerbe 571 und im Bereich vom Handel und vom Vakea 253 sozialvasicharungspflichtig Bschäftigte am Arbatsort gem. In sunstige Wirtschaftsbereiche warn am Arbatsort 1003 Leit sozialvasicharungspflichtig beschäftigt. Sozialvasicharungspflichtig Bschäftigte am Oat hots insgesamt 1999 gem. Im vaarbeitenden Gwerbe hots 2 Betriebe, am Bau 17 Betriebe gem. Zudem hots im Joar 1999 103 landwirtschaftliche Betriebe mit a landwirtschaftlich gnutzten Flächn vo 2230 ha.
