Hochschuel Bibra | |
---|---|
![]() | |
Gründig | 1. April 1964 |
Drägerschaft | staatli |
Ort | ![]() |
Bundesland | Bade-Wirttebärg |
Land | Dytschland |
Räkter | André Bleicher |
Studänt*ene | 2.347 (WS 2018/19)[1] |
Profässer*ne | 80 |
Website | www.hochschule-biberach.de |
D Hochschuel Bibra (dt. Hochschule Biberach, HBC, bis 2005: Fachhochschule Biberach) isch e staatligi Hochschuel fir aagwändti Wisseschafte z Bibra z Bade-Wirttebärg. Iri Schwärpinkt in Lehr un Forschig ligen uf dr Biet Bäuwäse, Energy, Bedribswirtschaft un Biotächnology.
D Hochschuel isch am 1. April 1964 as staatligi Ingenieurschuel fir Bäuwäse grindet un 1971 zur Fachhochschuel glupft wore. Si het aafangs d Studiegäng Architäktur un Böuingenieurwäse aabote, 1978 isch dr Studiegang Bedribswirtschaft mit em Schwärpunkt Böu un Immobilie derzuchuu, wu in däre Form zum erschte Mol z Dytschland aabote woren isch. 1991 isch dr Studiegang Böuingenieurwäse/Projäktmanagement yygfiert wore un 1998 dr Studiegang „Gebeitächnik/Gebeiklimatik“ (syt 2014/15: Energy-Ingenieurwäse).
Zum Wintersemeschter 2006/2007 isch mit em Bachelor-Studiegang „Pharmazeutischi Biotächnology“ e neie fachlige Schwärpunkt grindet wore. Är umfasst in dr Zwisfhezyt no zwee anderi Studiegäng: Induschtriälli Biotächnology un Biopharmazeutisch-Medizintächnischi Wisseschafte.
Anne 2015 isch dr Gebeikumpläx vu dr friejerwe Dollinger-Realschuel no aijehrigem Umbäu as neie zäntrale Hochschuelcampus yygweit wore. Vorhär isch d Hochschuel uf e baar Standort im Stadtbiet verdailt gsii.[2]
Zäme mit dr Uniwersitet Ulm un dr Hochschuele Ulm un Nei-Ulm bildet d Hochschuel Bibra syt 2017 dr Hochschuelverbund „InnoSÜD“.[3] Dr Verbund wird vum Bund un dr Länder im Rame vum Brogramm „Innovativi Hochschuel“ bis 2022 mit insgsamt 15 Millione Euro gferderet.[4]
D Hochschuel isch in vier Fakultete glideret (Architäktur un Energy-Ingenieurwäse, Böuingenieurwäse un Projäktmanagement, Bedribswirtschaft, Biotächnology), wu uf zwee Standort verdailt sin. Di maischte Yyrichtige sin syt 2015 uf em zäntrale Campus in dr Bibrer Innestadt, d Fakultet Biotächnology isch uf em Campus Aspach am nerdlige Stadtrand.[5]
D Forschig vu dr HBC isch zurzyt in sibe Fachinschtitut bindlet.[6] Fir e bessere Tächnologytransfer entstoht zurzyt e regional Innovazions- un Tächnologytransferzäntrum ITZ Plus, wu Forschigsmegligkaite fir Start-up-Unternäme un inträssierti Burger*ne solle aabote wäre.[7] Dreger vum ITZ isch d Stadt Bibra in Kooperazion mit dr Hochschuel, em Landkrais Bibra un dr Induschtry- un Handelschammere Ulm; gförderet wird s us Mittel vum EU-Ferderbrogramm „RegioWin“.[8]
Im Dezämber 2020 het mer näb em Innovazions- un Tächnologytransferzäntrum PLUS (ITZ +) no ne Aadrag gstellt fir e Yyriichtig fir d Region Bibra, fir s Transferzäntrum Induschtriälli Bioekonomy (TIB).[9] Mit däre Innovazionsinfrastruktur soll e Zäntrum entstoh zum bioekomoschi Knowhow z Verfiegig stelle, entwickle un bruche. Uf aire Syte iber Tächnologytransferprojäkt un uf dr andre Syte iber Entwicklige vu Prototype dur KMU. D Hochschuel Bibra verstoht si als transformativi Hochschuel un schlaat dä Wäg yy as neie Entwickligspfad. Blant sin zerscht Vorhaa im Beraich Böu-Bioekonomy [10]
Scho syter 1983 git s d Akademy vu dr Hochschuel Bibra (bis 2011: Bauakademie Biberach) as gmainnitzigi Stiftig un Wyterbildigsyyrichtig.[11] Näbe Furtbidlige un Seminar fir Lyt im Beruef (ca. 1500 Dailnämer*ne im Johr) bietet d Akademy verschideni choschtepflichtigi Ufböustudiegäng näb em Beruef aa.[12][13]
Au s Inschtitut fir Bildigstransfer (IBiT) entwicklet Studiegäng näb em Beruef.[14] D Themeberaich vum Inschtitut umfasse d Entwicklig vu Wyterbildigsstudiegäng näb em Beruef[15] un Theme iber d Fächer uuse wie d Orientierig un d Beglaitig am Aafang vu dr Studiezyt.[16]
In Kooperazion mit verschidene Uniwersitete cha mer an dr Hochschuel Bibra au promowiere. An dr Uniwersitet Ulm un dr Hochschuel Bibra isch zwische 2011 un 2018 e kooperativ Promozionskolleg „Pharmazeutischi Biotächnology“ mit 12 Promozionsstipändie yygrichtet gsii, wu vum Land gferderet woren isch.[17]
D Hochschuel Bibra unterhaltet zurzyt 39 Hochschuelpartnerschafte in 25 Länder.[18] S git unter anderem e binazionale Master-Studiegang Engineering Management, wu syter 2012 in Kooperazion mit dr Universidad Nacional de Tucumán z Argentinie aabote un vum Dytsch-Argentinische Hochschuelzäntrum gferderet wird.[19]
Syt em Summersemeschter 2017 chenne d Studänte*ne vu allne im Rame vum Studiemodäll „Bachelor International“ je ai Studie- un Praxissemeschter im Uusland verbringe un dodermit theoretischi un au praktischi Erfahrige im internazionale Umfäld sammle.[20]
Staatligi Universitete |
Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm |
|
Privati Universitete |
Friedrichshafe | |
Pedagogischi Hochschuele |
Friburg • Haidelberch • Kallsruh • Ludigburg • Gmend • Waegaade | |
Chunschthochschuele (inkl. Musikhochschuele) |
Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga | |
Staatligi (Fach-)Hochschuele |
Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge | |
Chilchligi un Privati (Fach-)Hochschuele |
Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia) | |
Duali Hochschule Bade-Wirttebärg |
Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge |
Koordinate: 48° 5′ 37,2″ N, 9° 47′ 18″ O Vorlage:Normdate
![]() |
Dä Artikel basiert uff ere fräie Übersetzig vu dere Version vum Artikel „Hochschule_Biberach“ vu de dütsche Wikipedia. E Liste vu de Autore un Versione isch do z finde. |