Allensbach Hochschule | |
---|---|
![]() | |
Gründig | 1996/2015 |
Drägerschaft | privat |
Ort | ![]() |
Bundesland | ![]() |
Land | ![]() |
Leitung | Martin Stieger (Räktrr) Timo Keppler (Chanzler) |
Studänt*ene | 301 (WS 2018/19)[1] |
Mitarbeiter*ne | 25 (2016)[2] |
drvo Profässer*ne | 7 (2016)[2] |
Website | www.allensbach-hochschule.de |
Dialäkt: Undermarkgreflerisch |
D Allensbach Hochschuel (dt. Allensbach Hochschule, friejer WHL Wissenschaftliche Hochschule Lahr) isch e Privathochschuel mit Sitz z Konschtanz. D Allensbach Hochschuel wird as nitstaatligi Hochschuel vum Minischterium fir Wisseschaft, Forschig un Chunscht Bade-Wirttebärg as staatlig anerkännti Hochschuel glischtet un stoot unter drUfsicht vum Minischterium.[3][4] Si bietet verschideni Bachelor- un Masterprogramm näb em Beruef im Beraich vu dr Wirtschaftswisseschaften aa.
Di ehmolig WHL Wisseschaftligi Hochschuel Lohr isch e Dochterunternäme vu dr AKAD-Gruppe gsii. Grindigsstandort vu dr Hochschuel, wu syter anne 1996 staalig anerkännt isch[5] isch s ehmolig Quartier vu dr kanadische Strytchreft z Dytschland z Lohr gsii (lueg RCAF Base Lohr). 2011 isch d Hochschuel an Stammsitz vu dr AKAD uf Stuegert verlait wore.[6]
Anne 2015 isch d WHL Wisseschaftligi Hochschuel Lohr dur d European Education Group Dytschland GmbH iberuu wore un fiert s Studienaagebot as Allensbach Hochschule mit Sitz z Konschtanz wyter.[7]
D Hochschuel bietet naigene Aagabe e Färnstudienaagebot fir Studium un Wyterbildig in dr Beraich Wirtschaft, Management un Wirtschaftspedagogik aa. Mer cha jederzyt mit eme Färnstudium an dr Allensbach Hochschuel aafange, s wird in ere Kombination us Färn- un Online-Presänzlehr durgfiert. D Online-Live-Lehr wird derzue au fir s Sälbschtstudium ufzaichnet.
Priefigslaischtige, wu mer in Form vun ere Klausur mueß bringe, cha mer in dr bundeswyte Priefigszäntre vu dr Allensbach Hochschuel ablege, e jedes Modul cha mer an jedem Priefigstermin an jedem Standort ablege.[8]
D Hochschuel kooperiert wältwyt mit Partneruniversitete. Kirs im Summer School-Programm dvu dr London School of Economics and Political Science (LSE) chenne fir s Studium an dr Allensbach Hochschuel aagrächnet wäre.
Mit em Masterabschluss in Wirtschaftspedagogik vu dr Allensbach Hochschuel cha mer as Queryystyyger ins Lehramt an berueflige Schuele un Wirtschaftsgimnasie wägsle, u. a. z Bade-Wirttebärg.[9]
Syter 2017 isch d Allensbach Hochschuel Mitglid im Hochschuelverbund Distance Learning (HDL), eme Netzwärch, wu Hochschuele us em dytschsprochige Ruum in dr Beraich „Distance Learning“ un „Weiterbildung“ zämeschaffe.[10]
D Hochschuel un iri Studiegäng sin dur s Minischterium fir Wisseschaft, Forschig un Chunscht Bade-Wirttebärg (MWK) staatli gnähmigt.[3][11][12][13]
Di Zäntral Evaluations- un Akkreditierigsagäntur (ZeVA) het die Studieprogramm akkreditiert:
D Färnstudiegäng sin dur di Staatli Zäntralstell fir Färnunterricht (ZFU) brieft un zuegloo wore.[17]
E Akkreditierig vu dr Allensbach Hochschuel dur dr Wisseschaftsrot isch im gsetzlige Priefturnus noch em Landeshochschuelgsetz vum Land Bade-Wirttebärg[12][13], doderby isch di 2015 ibernuu WHL Wissenschaftliche Hochschule Lahr vum Wisseschaftsrot berucksichtigt wore.[18] Im Jänner 2020 het dr Wisseschaftsrot dr Hochschuel di inschtitutionäll Akkreditierig verwaigeret.[19][20] Vum Wisseschaftsrot isch kritisiert wore, ass Forschigslaischtige nit deet länge, ass er nume ne mangelhafte akademische Uusdusch zwische Dozänte*ne un Studänte*ne gääb un nune ne gringe wisseschaftlige Diskurs. Au heeb d Hochschuel kai Kunzäpt fir di digitale Lehr vorglait. "Erhebliche Zweifel an einem angemessenen Verständnis von Hochschulförmigkeit auf Seiten der Verantwortlichen der AH bestehen zudem mit Blick auf die zahlenmäßig sehr umfangreiche Beteiligung der Professorinnen und Professoren der AH an Promotionsverfahren an ausländischen Hochschulen, die für eine Hochschule mit nicht ausreichenden Forschungsleistungen nicht akzeptabel ist".[21] Syterhär stryte d Hochschuel un dr Wisseschaftsrot um d Akkreditierig.[22][23]
D Organ vu dr Hochschuel sin d Hochschuellaitig, dr Senat un dr Hochschuelrot. D Hochschuellaitig vu dr Allensbach Hochschuel bstoht us em Räkter, Proräkter un eme Chanzler. Dregeri vu dr Hochschuel isch d Dregergsellschaft Allensbach Hochschule GmbH.
D Hochschuel het si ne Laitbild un e neii Grundornig gee, wu am 26. Juni 2018 in Chraft drätten isch.[24]
D Hochschuel het e wisseschaftlige Byrot, wu zum 1. Juli 2018 nei bsetzt woren isch, wel d Amtszyt vum bishärige Byrot zum 30. Juni 2018 abglofe gsii isch.[25] Dr eemolig Expertebyrot isch am 26. Juni 2018 dur e Hochschuelrot as Ufsichtsorgan vu dr Hochschuel ersetzt wore.
Staatligi Universitete |
Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm |
|
Privati Universitete |
Friedrichshafe | |
Pedagogischi Hochschuele |
Friburg • Haidelberch • Kallsruh • Ludigburg • Gmend • Waegaade | |
Chunschthochschuele (inkl. Musikhochschuele) |
Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga | |
Staatligi (Fach-)Hochschuele |
Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge | |
Chilchligi un Privati (Fach-)Hochschuele |
Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia) | |
Duali Hochschule Bade-Wirttebärg |
Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge |
Koordinate: 47° 40′ 20,3″ N, 9° 9′ 21,9″ O
![]() |
Dä Artikel basiert uff ere fräie Übersetzig vu dere Version vum Artikel „Allensbach_Hochschule“ vu de dütsche Wikipedia. E Liste vu de Autore un Versione isch do z finde. |