Gonteschwyl | |
---|---|
![]() | |
Basisdate | |
Staat: | Schwiiz |
Kanton: | Aargau (AG) |
Bezirk: | Chulm |
BFS-Nr.: | 4135 |
Poschtleitzahl: | 5728 |
Koordinate: | 653464 / 235854 |
Höchi: | 533 m ü. M. |
Flächi: | 9.74 km² |
Iiwohner: | 2124 (31. Dezämber 2022)[1] |
Website: | www.gontenschwil.ch |
![]() Gonteschwyl | |
Charte | |
![]() |
Gonteschwyl (amtlich Gontenschwil) isch e Gmeind vom Bezirk Chulm im Kanton Aargau.
S Dorf lyt im Wynedaal.
Bi Gonteschwyl und Zetzbu verspeert e grossi Moräne vom Rüüssgletscher us dr Yschzyt s Wynedaal. Hinder de Moräne isch es grosses Sumpfpiet gsi, s Gonteschwyler Moos. Das isch erscht im 20. Joorhundert troche gleit und zu Acherland gmacht worde.
D Gmeind het d Dorfdeil Underdorf, Chilchdorf, Oberdorf, Geisshof und Hasel.
D Nochbergmeinde vo Gonteschwyl sind Schmidrued, Oberchulm, Zetzbu, Leimbech, Riinech und Rickebach.
Dr Name vom Dorf isch s erschte Mol im ene Dokumänt vom Chloschter z Möischter us em Joor 1173 erwäänt. Er het den Gundoltswilre gheisse.
Vom 17. bis zum 20. Joorhundert het me d Mineralkwelle vo Schwarzebärg bruucht.