Birrbu | |
---|---|
![]() | |
Basisdate | |
Staat: | Schwiiz |
Kanton: | Aargau (AG) |
Bezirk: | Kulm |
BFS-Nr.: | 4132 |
Poschtleitzahl: | 5708 |
Koordinate: | 657382 / 238141 |
Höchi: | 560 m ü. M. |
Flächi: | 5.53 km² |
Iiwohner: | 1357 (31. Dezämber 2022)[1] |
Website: | www.birrwil.ch |
Charte | |
![]() |
Birrbu (amtlich Birrwil) isch e Gmeind im Bezirk Choom vom Schwiizer Kanton Aargau. S Dorf ligt am Weschtufer vom Hallwilersee.
De Gmeindsbann isch 553 Hektare gross, dodervo sind 88 Hektare Wald und 45 Hektare überbaut. De höchschti Punkt isch uf 771 Meter, der tüüfschti uf 449. Nochbargmeinde sind Lüüpu im Nordweschte, Boniswil im Norde, Meischterschwande im Oschte, Böju im Süde, Riinech im Südweschte und Zezbu im Weste.
S erschti Mol taucht Birrbu in de Namesform Beriuuillare in ere Urkung us em 1185i uf. Birrbu het im Mittelalter de zerscht de Grafe vo Länzbrg ghört, ab em 1173i de Kyburger und ab em 1264 de Habsburger. Lehenslüt z Birrbu sind d Herre vo Birrwil (Birrbu) gsi, wo aber im 1331 usgschtorbe sind. Ab em 1326 sind di jewilige Bsitzer vom Schloss Liebegg Lehenslüt vo de Habsburger gsi und hei di nideri Grichtsbarkeit usgüebt.
Wo d Eidgnosse im 1415 de Aargau eroberet hei, isch Birrbu zu Bärn cho, wo im 1528 d Reformation iigführt het. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Birrbu ghört sither zum Kanton Aargau.