An Fujairah (Inarabo: الفجيرة) o kundi man Syudad han Fujairah amo an pamunuan o kapital han emirato han Fujairah ha Emiratos Arabes Unidos, nahamutáng ha Gulfo han Oman (kabahin han Kalawdan Indyano).
Han 2016, an syudad mayda kamolupyohan nga 97,226, usá nga dako nga ihap (43%) nga gintanding han 225,360 ha bug-os nga emirato.[1]
An Syudad han Fujairah amo an dako nga sentro hin negosyo ngan komersyo han emirato, nga mayda hagtaas nga mga edifisyo hin opisina (e.g., Fujairah Tower) nga naglilirinya han Dalan Hamad Bin Abdulla, an prinsipal nga ruta ngadto han syudad.[2] An kahamutáng han syudad naghahatag hin direkta nga access ngadto han Kalawdan Indyano para han Emiratos Arabes Unidos, nga naglilikay han paggamit han Gulfo han Persia, nga nakinahanglan hin pag-agi pinaagi han Suláng han Hormuz. An amihanan nga dapit han atubangan-han-dagat mayda damo nga mga silindriko nga mga tanke para pagtirok hin lana.
An Gawasnon nga Zona han Fujairah nahamutáng ha amihan han syudad.[3] An Creative City usá nga media nga gawasnon nga zona dida han Sheikh Khalifa Highway ha katundan.
|url=
(help)