Willy Marchal, c' est on bouteu pol walon, k' a redjårbé sacwants tchansons e walon, k' i tchante dins les etrevéns ås waloneus.
Il a skepyî a Ingzêye li 8 di decimbe 1939.
Willy Marchal, c' est l' fi da Daniel Marchal, k' a scrît kékes bokets e walon eplaidîs so Wikisourd.
Il a crexhou a Taviè.
Di s' mestî, el esteut prof di djim a Bure. Adon il a stî dmorer a Moirmont
Come pasmint d' tins, il est eto on lutî.
I rashonna les scrijhaedjes di s' pa, ripubliyîs so l' Aberteke.
Come sicrijheu, i sina sacwants tecses di prôze nén racontrece dins l' Rantoele-gazete, et fé des «cours pa les scolîs» ås scoles di Bive. Il esplica eto l' lutreye sol tévé walon-cåzante. C' est la k' i gn a eto des rapoirtaedjes so ses tchansons.
Ses tchansons e walon, riscrîtes so des viyès tchansons e francès, avént stî eredjistrêyes so ene stroete plake pa Jany Paquay do tins di l' emission 900.000 Walons. Mins ele n' a måy sitî spårdowe.
I djowe voltî del guitåre tot tchantant ses redjårbaedjes di viyès tchansons francesse, dins les copinreyes (Tchårnoe, Rotchfoirt, Libin.
E 2020, i va rescontrer on clarinetisse, Leyon Jacot, et s' vont i cmincî a fé des concerts eshonne. Å cmince po distreyî les djins tins des recloyaedjes del parminêye 2020-2021.
E 2023, i va fé rexhe ene novele sitroete plake, lomêye simplumint «Tchansons e walon».
Videyos (sol Tévé walon-cåzante)
Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye par lu avou l' accint d' après Ingzêye pol Djåzant atlasse éndjolike des lingaedjes di France et d' avår la.