Li son ng, c' est l' minme son k' gn a å coron del cawete -ing inglesse.
On l' prononce voltî come mot-brut po xhiner l' son d' ene clotche (ding dong).
E walon, on nel trouve ki dins les prononçaedjes coinrece do Payis d' Måmdey po les mots ki finixhèt pa ene voyale naziåle metous al fén d' ene fråze u d' ene fråzlete (avou ene pitite ahote padrî).
Il est rålmint noté e sistinme Feller.
I n' est nén rprins dins l' prononçaedje zero-cnoxheu do rfondou walon.
On l' pout ôre:
…
On l' rescontere eto coinreçmint e gåmès (metans dins l' accint d' après Ratchcoû).
C' est onk des mwaisses sons des lingaedjes tîxhons (inglès, neyerlandès, almand, suwedwès…)