Sinte Djèdru
Sinte Djetrou (Djètrou a Lidje) ou Sinte Djèdru (a Nivele), c' est ene sinte fiesteye el Walonreye (li 17 di måss).
C' esteut l' feye da sinte Ide eyet Pepin d' Lande; dabôrd, c' est l' sour da sinte Bedje.
Avou s' mame, ele va basti on moustî a Nivele.
Sinte Djetrou vina-st å monde e 626 et mori e 659, li 17 di måss, li djoû k' on l' fiesteye (c' est l' minme djoû ki sint Patrik).
Li no walon do viyaedje di Séntru, li coron est dandjreus assaetchî på no d' sinte Djetrou (dizo disfondowe Djètru).