Discours de payſans ſur le tremblement de terre & ſur les lochets des fille d’au preſent
Li «Paskeye so les lotchets» ou «Les lotchets des cmeres d' asteure», ki l' tite e francès, c' est : «Discours de paysans sur le tremblement de terre et sur les lochets des filles d’au présent», c' est ene viye paskeye di 1640.
C' est l' limero 2 do live «Dix pièces en vers sur les femmes et le mariage», eplaidî pa Jean Haust e 1941.
Elle est rprinjhe sol limero 285 dins l' clasmint Piron des vîs scrîts e walon.
On l' date di 1640, paski, li 4 d' avri di ciste anêye la, gn a on foirt hosmint d' tere a Lidje.
Gn a troes bokets dins l' paskeye, ki n' ont waire d' aloyance inte di zels.
N a des strofes etires k' ont stî rcopeyes di des ôtès paskeyes di ç' trevén la.
Vers 1 a 35 Les troes omes, c' est des houyeus, ki sont-st å fond tins do tronnmint d' tere.
Wéri si date a sinte Båre et a sint Linåd.
Stienon Hamlé dit årvey a s' monkeur
Robin Crespou sondje å schapaedje di si åme.
I savét rmonter
Li hosmint d' tere si djoke.
Vo les la foû do beur.
Vers 36-42 Wéri toume dins les bresses di s' feme ki l' a vnou rawårder.
Vers 43-162 Bate di dvize inte li pa et s' fi, avou, å mitan, on long pretchaedje sol môde des båsheles di veye, ki leyèt des grands tchveas avou des lotchets (adon k' les båsheles des viyaedjes les haetchèt dandjreus e-n on topet.