Li biyografeye do dessineu est padecô metowe al fén, mins sovint scrîte e francès. Lanawaire, dins l' coleccion do Bourdon, gn a tolminme yeu des biyografeyes di dessineus e walon.
Les desséns des covietes, et kécfeye les cis ki sont-st ådvins do live, c' est onk des mwaisses facteurs pol vindaedje des lives e walon.
Elizabeth Ivanovsky (Kichinev, Moldaveye, 1910, Watermael (Brussele), 2006) a-st enimådjî li deujhinme tome des Fåves do Baron d' Fleuru da Henri Pétrez (1938). Ele rimeta ça ezès anêyes 1960, pol cénkinme volêye des fåves, ki n' rexhrè k' e 1999.
Dispu 1996 (avou Warum Krieg ?), les Edicions do Bourdon ont-st enondé, avou les subzides do CRLE, ene coleccion la k' gn a tofer on dessineu, sovint diferint, po-z enimådjî l' live.
Vocial les cis k' ont bouté dins cisse coleccion la.
Bernard Bacq po "Des trôs sol bele" da Dominique Heymans (2004), avou ene biyografeye do dessineu e walon.
Gabriel Belgeonne po "Miytaedje" da Emile Lempereur (2004), avou ene biyografeye do dessineu e walon.