Klêen of grôot (lik deze kameels): je vieng et ollemoale in de Zoo
De Zoo van Antwerpn (kortweg: de Zoo) is êen van d'oudste dierntuunn va hêel Europa. 't Is, in bezoekers ereeknd, de topattraksje van Antwerpn en zelfs van hêel België. De Zoo legt lasen de belangrykste stoasje van 't stad (Antwerpn-Centroal).
De zoo is esticht in 1843 ounder de noame Koninklijke Maatschappij voor Dierenkunde Antwerpen. Van by 't begun wos 't ol de bedoelienge om d'r een weetnschappelik karakter an te geevn. 'n Êestn directeur (Jacques Kets) vroeg e krêeg een ounderdak voe ze grôte verzoamelienge an natuur-histôrische stikkn. In d'êeste joarn groeide 't park ol zêre va 2 na 10 ectoarn ground. Nu nog ossan kuj oude gebouwn uut diejn tyd zien, lik 'n Egyptiesn tempel (1856) woa dan nu de kootn zittn van d'olifantn.
In 1956 kopt de Zoo e stik ground by Mecheln woa da ze 't Domein Planckendael begunn.
Vandoage telt de Zoo mêer of vuufduusd bêestn. In 2007 begostn ze de zoo t'erbouwn en te vergrôotn. De bedoelienge is om mêer plekke te moakn voe minder bêestn.
