Struusveugel
E koppel struusveugels
Taxonomische indêlienge
Domein: Eukaryootn Ryk: Animalia (Bêestn) Stamme: Chordata (Chordabêestn) Klasse: Aves (Veugels) Orde: Struthioniformes (Struusveugelachtigen) Familie: Struthionidae (Struusveugels) Geslacht: Struthio (Struusveugel)
Soorte
Struthio camelus Linnaeus, 1758

Ne struusveugel (Struthio camelus) es ne grootn loopveugel die nu van nateure ollene nog in Afrika vôornkomt.

Struusveugels en lange pootn en e lange nekke. J'et lik olle veugels pluumn en twee vlerkn, mo dedie zyn te klene voun zyn massa te kunn droagn, woadeure dat 'n nie ku vliegn. Deur zyn lange pootn kut 'n wel zere loopn. 't Vintje is zwort van kleur, met e bitje wit an ze vlerkn, ze nekke en zyn steirt, 't wuvetje is hêlegans bruun-grysde. D'eiers zyn wit en de grotste die te viendn zyn.

Ze kommn voor in Afrika, in vier oundersôortn.

• Struthio camelus australis of Zudelikkn struusveugel, komt vôorn in Zuud-Afrika, Namibië en Zambia.
• Struthio c. camelus of Nôordelikkn struusveugel, komt vôorn in Nôord-Afrika, van Soedan en Ethiopië hêlegans toet an 'n Atlantischn Oceoan in Senegal.
• Struthio c. massaicus of Masaistruusveugel, komt vôorn in Kenia, Tanzania, Ethiopië en 't zuudn van Somalië. Die sôorte et pluumtjes up ze kop en ze nekke en ze billn zyn oraje (in te plekke van roas byn d'aar sôortn).
• Struthio c. syriacus of Syrischn struusveugel, kwam vôorn up 't Arabisch schiereiland tout Syrië en Irak, mor is round 1966 uutestorvn.

In de infraklasse van de Paleognathae (oude koake) zittn olle veugels die nauwe verwant zyn me struusveugels:

• Aepyornithidae (olifantveugels, styve grôte loopveugels van Madagascar, uutestorvn)
• Rheidae (nandoes, loopveugels uut Zuud-Amerika)
• Tinamidae (tinamoes, uut Zuud-Amerika, kunn wel vliegn)
• Casuariidae (casuarissn, loopveugels uut Nieuw-Guinea en Australië)
• Apterygidae (kiwi's, klêne loopveugels in vuuf oundersôortn uut Nieuw-Zêeland)
• Dinornithidae (moa's, uutestorvn, grôte loopveugels uut Nieuw-Zêeland)

Ofbeeldiengn die ier by passn ku je vien in de categorie Struthio camelus van Wikimedia Commons.