Van stiel is ze fotomodel (o.a. by New Models Agency). Z'eed ooit e proces angedoan om Menzo uut de rekkn van de gazettewienkels t'oalen, omda ze nie wilde dat eur foto's gepubliceerd wiern.
Mediafigeure: presentoatie en meedoen in verschillende TV-programma's: De Juiste Prijs (VTM), Vliegende start (TV1), Swingpaleis (TV1), Mediamadammen (VT4), Let's Dance (VT4)
In Wie wordt de man van Phaedra? (VTM), zoekt ze achter e vint. Achter zestien weekn e ze gekoozn voun Pascal, e kèèrel uut Deurne byn Antwerpen.
Societyfiguur: ol eur liaisons woarn mè bekende vintn: Paul Okon, Roger De Vlaeminck, Pieter Loridon ...
Politica in de gemêentepolletiek van Brugge vo de CD&V, mo dat e nie lange gedeurd.
Z'eed eur name gegeevn an de Phaedra Hoste foundation die tracht Belgen t'elpen die in de miserie zittn.
Voe de bontindustrie doe ze styf eur beste om velln fraks te verdedigen, moa zôgezeid ollêne moa fraks die van velln gemakt zyn van bêesten die geslacht zyn voe 't vlêes.
