De National Basketball Association of kortweg NBA is e professionele basketcompetitie in de USA vo vintn. ’t Is één van de vier grote sportliga’s in Noord-Amerika: NBA, NHL, NFL en MLB. D’r zyn 30 ploegn, 29 in de USA en één in Canada. In den NBA speeln de beste spelers ter weireld. De liga is gesticht in New York City, ip 6 juni 1946: de Basketball Association of America. De Women's National Basketball Association of WNBA is den NBA vo vrouwn.
De competitie bestoat uut 30 teams die verdêeld zyn in een "Western Conference" en een "Eastern Conference". Elke Conference is ounderverdêeld in drie Divisions van elk vuuf teams: De Atlantic, Central en Southeast Division in de Eastern Conference en de Northwest, Pacific en Southwest Division in de Western Conference.
In de reguliere competitie, die den êerste weke van november begunt, speelt ieder team 82 matchn.
Achter de reguliere competitie speeln de acht beste teams van elke Conference teegn mekoar in de play-offs in april.
De twêe teams die achter drie roundn overbluuvn, één uut elke Conference, speeln ton in juni de NBA Finals.
De winnoare van de NBA Finals wordt deur d’Amerikoann "World Champion" genoemd. D'r zyn, in tegenstellieng tout de competisje in Belgie, gin zakkers.