Joseph 'Jef' Planckaert (Poperienge, 5 meie 1934 - Otegem, 22 meie 2007) wos e coureur. Zyn beste periode wos by Flandria, woa dat 'n rêde by de zogenoamde Rode Garde van Rik Van Looy.
In 1962 wos Jef Planckaert Bels kampioen op de boane, e wont 'n Parys-Nice en Luuk-Bastenoakn-Luuk. E wos oek 'n twiddn in 't eindklassement van de Rounde van Vrankryk, achter Jacques Anquetil. In de klemtydrit na Superbagnères at 'n 't geel epakt en e wos leider toet op 'n latsn dag. Moar in de latsn tydrit van 68 kilometers, verlôor Jef zyn vôorsproung op Anquetil.
In 1965 stopte Planckaert mi koersn. E wos gin familie van de andere Planckaerts uut 't Meetjesland (Willy, Walter, Eddy, Jo en Francesco).
Op 10 juli 2007, wonnêer da de Rounde van Vrankryk in Otegem passirt, briengt Bernard Hinault hulde an Jef Planckaert en an zyn weeuwe, Williane Verhellen.