Birger Quistorff Jensen (Koopnoagn, 1 moarte 1951 - Brugge, 4 april 2023) was e vroegern Deenschen foetboller. E stoeg in de golle. Zyn grotste succesn oalnde by Club Brugge.
Birger Jensen, bynoame Biba, begost zyn carrière by B1903 Koopnoagn. Moa 't wos by Club Brugge dat 'n 't mêest succes adde. Jensen wos êen van de sterkouders by verzekers 't sterkste Club dat ôoit bestoan et. Van 1976 tout 1978 speelde Club kampioen, en oalde 't twi Europeesche finales (1976, 1978). In 1978 speelde Jensen de finale van de Europacup vo Landskampioen. Club miste veel spelers, moa dankzy e poar miraculeuze saves van Birger Jensen verlôor 't moa met 1-0 van e machtig Liverpool. Jensen speelde in 't hêle ouk 19 matchn vo de nationaaln ploeg van Denemarkn.