Antoine Busnois (ook Busnoys of de Busne) (? Busnes, ca. 1430 – Brugge, 6 november1492) was e Vlamschn dichter en compositeur van de vroege Renaissance. Je was êen van de belangrykste verteegnwoordigers van de Bourgondische Schole. Je schrêef gêestelyke muziek lyk motettn, moa je was surtout êen van de beroemdste 15e êeuwsche componistn van weireldlyke liedern.
Der wordt van uutgegoan dat 'n woarschynlyk in de streke van Béthune geboorn is, verzekers in 't gehucht Busnes, woar da zyn noame zou noa verwyzn. Je zou verwant kunn zyn an d' oadellyke familie de Busnes. J' is in ieder geval muzikoal styf goed gevormd.
Zyn noame wordt vermeld in e document uut 1641 van de kathedroale van Tours. In 1456 wast 'n leider van de kôorknoapn van de Sint-Martinuskerke in Tours, woar dat de compositeur
van de Franco-Vlamsche Schole Johannes Ockeghem ook werkzoam was. Kort doarachter kwamt 'n in dienst van de Bourgondische Hertoogn.
Sedert ca. 1485 toet an zyn dôod in 1492 was Busnoys "cantor" van de Sint-Salvatorskerke, nu de kathedroale in Brugge.