Gebeurtenissn
- januoari
- 1 - Letland pakt 't vôorzitterschap van de Road van d' Europeesche Unie over van Itoalië.
- 1 - Litouwn komt by d' Eurozone en betoalt vanof nu met den Euro.
- 7 - In Parys valn der verschillige dôoie en gekwetste by 'n anslag ip 't satirisch tydschrift Charlie Hebdo.
- 15 - In België wordn anti-terreuracsjes g'houdn ip verschillige plekn. In 'n huus in Verviers wordn twêe verdachtn dôodgeschootn.
- 16 - In Niger valn der tien dôoie en wordn 45 kerkn in brande gestookn by e protest teegn de cartoon ip 't vôorblad van den êeste Charlie Hebdo achter den anslag.
- 25 - In Grieknland wint d' extreemlienksche partie Syriza de parlementsverkieziengn en installeert de volgndn dag Alexis Tsipras ols êeste minister.
- februoari
- 15 - De terreurbewegienge IS of Daesh publiceert e video woarin d'oenthoofdienge van 21 christenn te zien is. Ols reacsje bombardeert Egypte verschillige deur IS veroverde plekn in Libië.
- 27 - Boris Nemtsov, e teegnstander van Vladimir Poetin, wordt in Moskou dôodgeschootn ip stroate.
- moarte
- 16 - Vierienge van 200 joar Keunienkryk van de Nederlandn.
- 24 - Germanwings-vlucht 9525, e lynvlucht van Barcelona noa Düsseldorf, stort nere by de Fransche stad Barcelonnette. 144 passagiers en 6 bemanniengsleedn veroengelukn. Loater blykt dat de co-piloot der omme gedoan èt.
- april
- 25 - In Nepal ist er 'n eirdbevienge met e kracht van 7.9 ip de Schoale van Richter. Der zyn zeker 7.557 menschn dôod.
- meie
- 12 - Were e zwoare eirdbevienge in Nepal met e kracht van 7.4 ip de Schoale van Richter.
- 16 - Eirdbevienge in Nepal van 5.7 ip de Richterschoale.
- 23 - 60e Eurovisiesongfestival in Weenn, hoofdstad van Ôostnryk. Winnoare is Zweedn mè 't liedje Heroes, gezoengn deur Måns Zelmerlöw.
- 24 - By lokoale en regionoale verkieziengn in Spanje verliest de regeernde Volkspartie sterk, in 't vôordêel van surtout nieuwe partien.
- juni
- 26 - By 'n anslag ip e strange in de stad Sousse in Tunesië zyn der teminste 37 dôoie.
- 26 juni - E zelfmôordanslag in Koeweit wordt ipg'eist deur Islamitische Stoat (IS).
- juli
- 1 - Luxemburg pakt 't vôorzitterschap van de Road van d' Europeesche Unie over van Letland.
- 4 - In Utrecht goat de Rounde van Vrankryk van start.
- 5 - De Grieksche regerienge schryft e referendum uut over 't wel of nie deurevoern van hervormiengn vo bluuvnde financiële steun te krygn van Europa. 61 procent stemt nêen, 39 procent stemt ja.
- 9 - In Yper wordt de 30.000e Last Post gebloazn.
- 10 - De Grieksche regerienge komt algelyk nog of met e pakket bespoariengsmoatregels vo 't land t'hervormn. Z' hoopn doamee de financiële steun van de EU en 't IMF toch te krygn.
- 12 - De Servische tennisser Novak Djokovic wint vo de derde kê 't grandslamtornooi Wimbledon deur de Zwitser Roger Federer te versloan in vier sets.
- 26 - Den Brit Chris Froome wint de Roende van Frankryk vo de twêede kê in zyn carrière.
- ogustus
- 3 - In Alphen an de Reyn in Holland valn twêe bouwkroann en e brugdek ip huuzn en e wienkel neffest de Julianabrugge.
- 21 - Twêe Amerikoansche mariniers beletn 'n anslag ip e Thalys-tring van Amsterdam noa Parys.
- 23 - Stryders van Islamitische Stoat (IS) verwoestn den tempel van Baal-Shamin, die ip d' UNESCO-weirelderfgoedlyste stoat, in de Syrische ruïnestad Palmyra.
- september
- 17 - Chili wordt getrofn deur e zwoare eirdbevienge van 8.3 op de schoale van Richter.
- 20 - By nieuwe verkieziengn in Grieknland bluuft de Syriza-partie van Alexis Tsipras de grotste.
- 23 - Bekend wordt da Volkswagen gefraudeerd èt mè software die d' uutloatgasn van otto's beïnvloed. D' affaire wordt Dieselgate genoemd in de pers.
- 28 - Totoale moansverduusterienge boovn België .
- 30 - Rusland start mè luchtanvaln ip Syrië in 't kader van de Syrische burgeroorloge.
- oktober
- 3 - By 'n Amerikoans bombardement ip 'n hospitoal in Kunduz in Afghanistan stervn zeker 19 menschn, woaroender 12 stafleedn van d' hulporganisoasje Artsen zonder Grenzen.
- 6 - Vo de Vlamsche Kust komn 't Hollands vrachtschip Flinterstar en e goazetanker die voart oender de vlagge van de Marshalleilandn mè mekoar in anvoarienge. De goazetanker kan noa d'hoave van Zêebrugge wordn geslipt. ’t Vrachtschip met e lengte van 130 meter zienkt. Al de bemanniengsleedn wordn gered.
- 29 - China schaft de êenkiendpolitiek officieel of.
- 31 - Deur e bomanslag stort Kogalymavia-vlucht 9268, uutgevoerd met 'n Airbus A321 van de Russische luchtvoartmoatschappie Kogalymavia, nere ip 't Egyptisch Sinaï-schiereiland. By de crash zyn al de 224 menschn in de vlieger dôod. President Poetin voardigt e dag van nationale rouwe uut.
- november
- 1 - Den Iengelstoalige Wikipedia hoalt 't 5.000.000ste artikel.
- 13 - By e stik of zes ansloagn in Parys deur den terreurgroep IS valn mêer of 130 dôoie en geroakn mêer of 200 menschn gekwetst.
- 14 - De Fransche president François Hollande voardigt drie doagn van nationale rouwe uut in Frankryk.
- 22 - In 't Brussels Gewest valt de poliesje binn ip verschillige plekn in verband met e dreigndn anslag, die te vergelykn zou zyn met dendeen in Parys.
- 24 - 't Turks leger schiet e Russische vlieger nere, die volgns Turkeye boovn under groendgebied zou gevloogn hèn. De Rusn kunn doa nie mee lachn.
- 28 - De tennisploeg van Grôot-Brittannië wint de finalle van de Davis Cup teegn België.
- december
- 12 - De klimoattop in Parys wordt ofgeslootn met 'n akkôord.
- 12 - De 90-joarige klaroenbloazer Antoon Verschoot bloast zyn latste Last Post oender de Menepoorte in Yper. Mêer of 60 joar stoend 'n paroat.
- 20 - By parlementsverkieziengn in Spanje verliest de regeernde Volkspartie (PP). 't Land krygt vo den êeste kê sedert d' invoerienge van de democratie e parlement zoender absolute mêerderheid.
- 27 - In Nôordwest-Iengeland moetn duuzende menschn under huus verloatn deur zwoare overstromiengn. Verschillige riviern zyn buutn under oevers getreedn. 't Is al den derde kêer in e moand tyd dat er in 't gebied zwoare woateroverlast is.
- 31 - E wolknkrabber in Dubai in de Verênigde Arabische Emiroatn stoat in brande. 15 menschn geroakn gekwetst.
- West-Vloamienk van 't joar 2015: Bart Vanneste, alter ego van Freddy De Vadder, is deur de kykers en lezers van Focus & WTV en de Krant van West-Vlaanderen verkoozn toet West-Vloamienk van 't joar. Twidde is Delfine Persoon (weireldkampioene boksn) en derdn Niels Destadsbader (tv-presentateur, acteur en zanger). D' andere genomineerde zyn Maud Vanhauwaert (dichteresse en tekstperformer), Hein Vanhaezebrouck (foetboltrainer), Luc Tack (topman Picanol), Philip Milanov (atleet, gespecialiseerd in discuswerpn), Carll Cneut (illustrateur), Geert Van Hecke (sterrechef van De Karmeliet), Patricia Vanneste (muziekgroep Balthazar).
