El Titanic (nome uficiałe: RMS Titanic) el gera un transatlantico britanico, costruìo tra el 1909 e el 1912 inte i cantieri de Belfast (Irlanda del Nord) da ła compagnia White Star Line[1] e afondà al largo de ła costa del Canada durante el so' viajo inaugurałe da Southampton (Inghiltera) a New York inte ła note tra el 14 e el 15 de apriłe 1912 dopo ła cołision co un iceberg[2][3].
Ła tragedia, ła pì grande inte ła storia de ła navigazion, xe costà ła vita a oltre 1.500 persone[2], mentre 706 xe stà i sopravissudi[2].
El "Titanic" gera sopranominà "L'inafondabiłe".
La nave la jera longa 882,9 pìe, larga 92, alta 59 e ła pesava oltre 46 000 tonełate.[1]
Ała viçenda del "Titanic" xe dedicà el pezo teatrałe in versi del scritore tedesco Hans Magnus Enzensberger Der Untergang der Titanic (1978)[5]
Ała viçenda del "Titanic" xe stà dedicà vari film, tra cui queło campion d'incassi e pluripremià del 1997 direto da James Cameron e co protagonisti Leonardo DiCaprio e Kate Winslet[6][7].
Controło de autorità | VIAF (EN) 264840228 · LCCN (EN) n50082026 · GND (DE) 4121777-9 · BNF (FR) cb12069856p (data) · BNE (ES) XX226501 (data) · NLA (EN) 52369553 · WorldCat Identities (EN) n50-082026 |
---|