La pandemia de COVID-19 ła ze na epidemia difondesta a liveło mondiałe in corsa, denomenada "małatia da novo coronavirus", popołarmente conosesta co ła sigla de COVID-19.
I primi cazi conosesti i ghea coinvolzesto prinsipalmente lavoratori del marcà ùmido de Wuhan, in Cina, inte el cuało i vegneva vendesti pesi e altri animałi, anca vivi. Inte łe prime stimane de zenaro del 2020 i siensiai i ghea individuà in sti sojeti strane polmoniti cauzae da un novo coronavirus, dezignà SARS-CoV-2 (sìndrome respiratòria acuta grave da coronavirus 2), rezultà èsare simiłare almanco al 70% de ła so secuensa zènega a cueła del SARS-CoV[1][2][3][4], difondesta co l'epidemia de SARS del 2002-2004. A ła fin del meze de zenaro del 2020 no łe zera oncora stae ben determenae łe caraterìsteghe del virus, si-bè el fuse sta acertà el so èsar bon de trasmétarse da persona a persona, e łe permaneva incertese su łe juste magnere de trasmision e su ła patozenesità (l'èsar bon de far dani)[5]. La małatia asociada ła ze sta reconosesta col nome de COVID-19[6].
La prima segnałasion atribuìbiłe al novo virus ła zera avegnesta inte el 31 de disenbre del 2019[7], ma za l'8 de disenbre i ghe zera stai i primi pasienti co małatia sintomàtega[8]. El 1º de zenaro del 2020 łe autorità łe ghea decidesto ła saraura del marcà e l'izołamento de chi che portava i segni e sìntomi de l'infesion[9]. El primo deceso confermà el riva al 9 de zenaro del 2020[10]. Al 28 de zenaro del 2020 se ghea i zera stai rezistrai pì de 4 600 cazi de contajo confermai in racuanti Paezi del mondo e 106 decesi mentre inte el 15 de febraro sti dati i se ghea za erlevà a 49 053 cazi e 1 381 decesi. Partindo dal 23 de zenaro del 2020, Wuhan ła ze sta ponesta in cuarantena co ła sospension de tuti i trasporti pùbleghi in entrada e in sbandono da ła sità[11], mezure che el dì sevente łe se zera stae estendeste a łe sità arente de Huanggang, Ezhou, Chibi, Jingzhou e Zhijiang[12]. Altre nove limitasion e controłi i ze stai adotai in racuante zone del mondo.
I małai i acuza sìntomi simiłari a l'influensa cofà dermatiti, freve, tose seca, fadiga, dispnea. Inte i cazi pì gravi, de frecuente catai in sojeti za gravai da antesedenti patołozie, se desviłupa polmonite, insufisensa respiratòria acuta finmente rivar anca al deceso. I pasienti i prezenta anca leucopenia e linfocitopenia. Da ła metà de zenaro del 2020 el ze sta fato dispunìbiłe un test par diagnostegar l'infesion da SARS-CoV-2, e poco dopo ła ze partia ła reserca e sperimentasion par cure e vacini spesìfeghi. Le guarizon łe ze spontànee e i tratamenti i ze prinsipalmente volti a zestir i sìntomi e a suportar łe funsion vitałi anca se i ze stai testai racuanti fàrmaghi antivirałi za doparai par contrastar altre infesion.
Na granda risposta, sia in Cina sia a liveło globałe, ła gaveva seguio un cresimento dei cazi inte ła metà de zenaro del 2020, portando restrision de viajo, cuarantene e lìmiti orari, intrà i cuałi i se połe vegner recordai: ła cuarantena de ła nave da crozera Diamond Princess inte łe àcue japonezi; el lìmite oràrio de pì de 780 milioni de persone in Cina e un lìmite oràrio vołontàrio a Taegu, in Corea del Sud[13][14][15]. L'epidemia ła ze sta declarada un'emerzensa sanitària pùblega de intarese internasionałe (PHEIC) da l'Organizasion mondiałe de ła sanità (OMS) inte el 30 de zenaro[16][17]. Aeroporti e stasion feroviàrie łe ga fazesto controłi de ła tenperatura corpòrea, libarà declarasion sanitàrie e publegà segnałi de informasion inte el tentativo de identìfegare i vetori del virus[18]. Un serto nùmaro de Paezi i ga emetesto avertense contro i viaji verso Wuhan, Hubei o ła Cina in zenerałe[19][20]. Un altro consejo el ze sta che i viajadori retornanti da determenae rejon, in partegołar Cina, Iran, Vèneto, Lonbardia e Nord Itàlia, łe se ìzołe inte na cuarantena fidusària[21][22].
Le consevense pì grande de l'epidemia łe ze stae ła preocupasion su l'instabiłità econòmega. La crize pułìtega ła ga includesto anca el licensiamento de vari cai locałi del Partio Comunista Cineze par ła so scarsa asion inte el s-ciopar de l'epidemia[23]. In vari Paezi i ze stai segnałai epizodi de xenofobia e rasismo contro persone de orìzene cineze e de l'Àzia orientałe[24][25][26][27], co vari epizodi de viołensa fìzega e verbałe. La difuzion de dezinformasion e fake news sul virus, prinsipalmente online, ła ze sta descrivesta da l'OMS cofà na "infodemia"[28].
Le conseguense pì xenerali de l'epidemia le conprende preocupasion sull'instabilità econòmega. La crixi pułìtega ga incluso anca el licensiamento de difarenti cai locali del Partio Comunista Sinese par la so scarsa risposta al lo s-ciopar de l'epidemia.[29] In difarenti paexi xe stai segnalai epixodi de csenofobia e raxismo contro persone de orìxene sinese e de l'Axia orientale.[30][31][32][33] La difuxion de dixinformasion e de fake news so el virus, prinçipalmente so l'intarnet, xe sta descrita dal la World Health Organization (WHO) come na "infodemia".[34]
Inte i primi de jenaro 2020, le autorità sanitarie le ga identifegà el virus responsàbiłe del'epidemia s-ciopà a Wuhan dexignàndolo, al'inìsio come "Coronavirus 2019-nCoV" ma pì vanti col nome uficiale de SARS-CoV-2. Se trata de un betacoronavirus faxente parte dela fameja dei coronavirus.
Prima de sta scoverta se conoseva solo sie coronavirus boni de infetare i esari umani (in cuanto solitamente i colpisse i animali) e pì presixamente: HCoV-229E, HCoV-OC43, HCoV-NL63, HCoV-HKU1 (responsàbiłi de na considerèvole persentuale de caxi de rafredore comune e cuindi asociàbiłi a na lieve sintomatologia), SARS-CoV e MERS-CoV. St'ultimi do i xe corelai a na prexentasion clinega ben pì grave co, a volte, exiti letali. El SARS-CoV-2 xe quindi el setimo virus de la stesa fameja che coinvolge l'omo.
A la fin de jenaro 2020 le carateristeghe del virus no le xera gnancora stae ben determinà (sebén che fuse asertà che xera bon de trasmetarse da omo a omo) e restava dubi so i precixi modi de trasmision e su la patogenicità (la capasità de far dani).[39]
Varie riserche le prova a stabilire la persistensa del SARS-CoV-2 so varie sorte de superfisi e anbienti anca in relazion a le condision variàbiłi de tenperatura, umidità e via dixendo.
I pasienti li acuxa sìntomi che someja al'influensa: fevra,[1] senso de afaticamento, tose seca[1][45] e dificoltà respiratoria. Inte i caxi pì gravi, de frecuente riscontrai in sojeti xà gravai da presedenti patologie, se svilupa polmonite, insuficiensa renale acuta, fin rivare anca al deceso. La diàgnoxi vien fata grasie al'execusion de un exame de reasion a caena de la polimeraxi inversa in tenpo reale (rRT-PCR) so campioni biolòxeghi prelevai dal pasiente.[46] El test poe èsar exeguio so canpioni de sgàparo o de sangue.[47] I risultai li xe xeneralmente disponìbili in poche ore o, al masimo, dì.[48][49]
El vasin pal COVID‑19 ga lo scopo de dar na imunità acuixida conrto el virus. Vanti de sta pandemia, el laoro pa svilupare un vasin contro la malatia cauxà dai coronavirus (SARS e MERS) ga fornìo informasion so a so strutura e so el so funsionamento; poi ghe xe sta na acelerasion de la riserca par un vasin.
A metà deçenbre 2020, 57 vasini candidai li xe in faxe clinega de riserca: 40 in faxe I-II e 17 in faxe III de sperimentasion clìnega. Al 13 deçenbre gnanca un vasin ga conpletà la faxe III o ga otegnuo aprovasion.
La pandemia de COVID-19 cauxa stress, ansia e preocupasion par tanti individui, par via de la malatia stesa e anca a causa de le contromisure (come el distansiamento sociale). Alcune de le cauxe comuni de stress psicològico durante le pandemie le xe: paura de malarse e morire, evitare le cure mediche par paura de esar contjai, paura de perdar el laoro e i mexi de susistensa, paura de esar esclusi socialmente, paura de esare mesi in cuarantena, sensasion de inpotensa de protexere se stesi e i propri cari, paura de esar separai dai propri cari e dai badanti, mancansa de autostima inte el fare le robe de tuti i dì, noja, solitudine e depresion dovue al l'isolamento e paura di rivìvare l'esperiensa de na presedente pandemia.[50]
Controło de autorità | LCCN (EN) sh2020008759 · GND (DE) 1251536492 |
---|