Le Mauritius o ìzołe Maurizio, ufisialmente la Republica de Mauritius, le xe on stato de l'Africa Oriental.
Le xe na picola nasion insulare che la se cata inte l'Osèano Indian osidental.
Li stato pì visin li xe le Seychelles a nordovest e el departemento fransexe de Réunion a ovest. A ovest se cata anca el teritorio fransexe de Tromelin, parte de le Ìxole sparpagnae del Osèano Indian.
El governo de Mauritius rivendica le ìzołe Chagos[20] dal Regno Unìo.
![]() |
Par savèrghene de pì, vardarse ła voxe Zeografia de Mauritius. |
Ło stato el xe formà da quatro ìzołe (Maurizio, Brandon, Rodriguez e Agalega), parte de le ìzołe Mascarene[21].
Le ìzołe Mauritius xe n’arcipelago de origine vulcanica.
Ne l’ìzoła principale, ghe n’altopian che siende verso la costa a est co dirupi alti, e verso ovest pi gradatamente.
L’ìzoła xe circondà da la bariera coralina, che co i ani ga creà le spiage de rena bianca.
I cicloni xe frequenti.
![]() |
Par savèrghene de pì, vardarse ła voxe Storia de Mauritius. |
I primi abitanti de Mauritius i xera malesi che i xe rivà 1500 ani fa, ma i sa poi spostà verso el Madagascar.
I marcanti omaniti vegnea su ste ìzołe a partir dal X secolo.
I portoghexi xe rivà inte el 1505 e i la ciamà Ilha do Cerne[22].
I primi abitanti moderni xe stà i olandesi dal 1598. Ie stà ori a darghe el nome de Mauritius in onor del principe Maurizio de Nassau. Anca i olandesi xe andà via dopo qualche ano.
I francexi sa tolto l’ìzoła inte el 1715 e i inglexi la ga conquistà inte el 1810.
En tel 1965, el governo inglexe ga separà le Isole Chagos da Mauritius.
El 12 marso 1968 Mauritius xe diventà indipendente.
El paexe xe na democrasia che no ga mai vù tensioni forti e che rispeta i diriti umani.
La cavedal ła xe Port Louis.
El 70% dei mauriziani i xe de origine indiana.
I bianchi de origine inglexe e francese i xe circa el 25%. El resto de la gente ła xe de origine africana, araba e cinexe.
Hindu 50%, Catoleghi 28%, Islam 17%, religoni tradisionali e altre minoranse 5%.
L’economia de Mauritius xe diversificà. La distribusion de la richeza xe omogenea, co poche sache de povertà.
El governo procede co el progeto de ricavar energia da i resti de la lavorasion de la cana da sucaro [23], progeto che farà risparmiar al paexe el 30% de l’importasion de petrolio.
L’agricoltura contribuise col 25% de le entrate.
El 60% del tereno coltivabile el xe piantà a cana da sucaro; se pianta anca tè, e vanilia.
L’industria, specialmente el texile, xe in cresita anca parchè ghe grosi sgravi fiscali par ci esporta.
La produsion de componenti de computer xe in cresita.
El turismo dura tuto l’ano.
El dodo, l’animal pi famoso de le Mauritius, xe estinguesto.
El dodo xera n’oxel che no podea volar. I caciatori eoropei i lo ga decimà xa inte el XIX secolo[24].
Controło de autorità | VIAF (EN) 150028558 · ISNI (EN) 0000 0001 2359 1219 · LCCN (EN) n79060078 · GND (DE) 4074641-0 · BNF (FR) cb11864860z (data) · BNE (ES) XX452687 (data) · NLA (EN) 35335777 · NDL (EN, JA) 00567849 · WorldCat Identities (EN) n79-060078 |
---|