| Zoya Schleining | |
|---|---|
 | |
| Mamlakat | Germaniya |
| Tugʻilishi |
6-sentyabr 1961-yil Lviv, Ukraina |
| Saravha |
Xalqaro usta (2016-yil) Ayol grossmeyster |
| FIDE reyting | [1] (fevral 2024) |
Zoya Schleining (talaffuzi: Shlayning Zoya Avrumovna; 1961-yil 6-sentyabrda tugʻilgan), Ukrainada tugʻilgan nemis shaxmatchisi, xalqaro usta (IM, 2016) unvoniga ega.
Zoya olti marta shaxmat boʻyicha ayollar oʻrtasidagi SSSR chempionati finallarida qatnashgan (1981, 1982, 1986, 1987, 1988, 1989). Eng yaxshi natijaga 1986-yilda 4-5-oʻrinlarni boʻlgan vaqtida erishgan. 1984-yilda Tallin shahrida shaxmat boʻyicha ayollar kasaba uyushmalari oʻrtasidagi SSSR chempionatida gʻolib boʻlgan. 1986-yilda u ayollar shaxmati boʻyicha Ukraina chempionatida gʻoliblikni qoʻlga kiritgan. 1990-yilda Zoya Schleining Drezden va Moskvada oʻtkazilgan shaxmat boʻyicha ayollar oʻrtasidagi xalqaro turnirlarda gʻolib boʻladi. Sovet Ittifoqi parchalanganidan keyin 1992-yildan 2000-yilgacha u Ukraina shaʼnini, 2000-yildan esa Germaniya nufuzini himoya qildi. 1995-yilda Zoya Drezdendagi turnirda yana gʻalaba qozondi. 2014-yilda u tez shaxmat boʻyicha ayollar chempionatida gʻolib boʻldi. Shuningdek 2015-yilda Bad Vissi shahrida boʻlib oʻtgan Germaniya ayollar shaxmat chempionatida Zoya Schleining eng yaxshi oʻyinchi sifatida etirof etildi.
Zoya Schleining ikki marta shaxmat boʻyicha ayollar oʻrtasidagi jahon chempionati zonalararo turnirlarida qatnashgan:
Zoya Scheining Germaniya terma jamoasida ayollar shaxmat olimpiadalarida ishtirok etgan:[3]
Zoya Schleining Germaniya terma jamoasida shaxmat boʻyicha Yevropa jamoaviy chempionatida ishtirok etgan:[4]
1985-yilda u FIDE ayol xalqaro ustasi (WIM) unvoniga sazovor boʻldi va ikki yildan soʻng FIDE ayol grossmeyster (WGM) unvonini oldi. 2016-yilda u FIDE xalqaro ustasi (IM) unvoniga sazovor boʻldi.[5]