Ozarbayjonda islom diniga eʼtiqod qiluvchilar aholining ko'p qismini tashkil qiladi. Ammo bu mamlakat musulmon dunyosidagi eng dunyoviy davlat hisoblanadi[1]. Turli hisobotlarga ko'ra, aholisining 97,3 foizi (CIA, 2020)[2] yoki 99,2 foizi (Pew Research Center, 2006)[3] musulmon. Shundan shia yoʻnalishi tarafdorlari (55-65%), ozchilik (35-45%) esa sunniylardir[4][2][5].
Mamlakatdagi aksariyat shia musulmonlari ja'fariy mazhabiga, sunniy musulmonlar esa odatda hanafiy yoki shofiiy mazhabiga amal qilishadi[6]. Sovet Ittifoqining ko'p o'n yillik ateistik siyosati tufayli Ozarbayjondagi musulmonlar etnik musulmon hisoblanadi. Shia mamlakatning gʻarbiy, markaziy va janubiy viloyatlarida keng tarqalgan. Odatda, Boku va Lankaran viloyati atrofidagi qishloqlarda shialikka, shimoliy hududlarda esa sunniylikka eʼtiqod qiluvchilar koʻp[6].