Nikolay Ilyich Belyayev | |
---|---|
Qozog`iston Kompartiyasi 1-kotibi | |
Mansab davri 1956-yil 26-dekabrdan – 1960-yil 16-yanvargacha | |
Oʻtmishdoshi | Ivan Yakovlev |
Vorisi | Dinmuhammad Qoʻnayev |
Stavropol kompartiyasi 1-kotibi | |
Mansab davri 1960-yil 28-yanvardan – 25-iyungacha | |
Oʻtmishdoshi | Ivan Lebedev |
Vorisi | Fyodor Kulakov |
Shaxsiy maʼlumotlari | |
Tavalludi |
19-yanvar 1903-yil Ufa |
Vafoti |
28-oktyabr 1966-yil (63 yoshda) Moskva |
Siyosiy partiyasi | Kommunist |
Nikolay Ilyich Belyayev (ruscha: Никола́й Ильи́ч Беля́ев; 19-yanvar (1-fevral) 1903 – 28-oktyabr 1966) – sovet siyosatchisi, KPSS Markaziy Komiteti aʼzosi (1952 – 1961), KPSS MK Prezidiumi aʼzosi (1957 – 1960), KPSS MK kotibi (1955-1958), Qozogʻiston Kompartiyasi Markaziy Komitetining birinchi kotibi (1957-1960)[1][2].
Ufa viloyati, Birskiy tumani, Kuterem qishlogʻida dehqon oilasida tugʻilgan. 1919-yilda Kalegino qishlogʻidagi oliy boshlangʻich maktabni tugatgan. Shu yili komsomolga qoʻshildi va Boshqirdistondagi birinchi boshlangʻich komsomol tashkilotlaridan birining tashkilotchisi boʻldi. 1919-1922-yillarda Boshqird Avtonom Sovet Sotsialistik Respublikasida komsomol va kasaba uyushmalarida faoliyat yuritdi. Kaleginskiy volosti va Birskiy tuman komsomol qoʻmitalari mas’ul kotibi boʻldi[3]. 1921-yildan Butunittifoq Kommunistik partiyasi (bolsheviklar) aʼzosi.
1925-yili G. V. Plexanov nomli Moskva xalq xoʻjaligi institutini tamomlagan[4].
1925-yildan Gʻarbiy Sibirda xoʻjalik va kooperatsiya ishlarida: Qishloq xoʻjaligi kooperatsiyasi tuman uyushmalari kengashi raisi, traktor markazi boshligʻi, Sibir kolxoz uyushmasi raisining oʻrinbosari. Gʻarbiy Sibirda kollektivlashtirish va u bilan bogʻliq qatagʻonlarda faol qatnashgan.
1939-yildan – Novosibirsk viloyat partiya qoʻmitasining oziq-ovqat sanoati boʻyicha kotibi, raisning birinchi oʻrinbosari, Novosibirsk viloyat isteʼmolchilar uyushmasi raisi. 1940-yildan – Butunittifoq Kommunistik partiyasi (bolsheviklar) Novosibirsk viloyat qoʻmitasining oziq-ovqat sanoati boʻyicha kotibi[5]. 1941-1943-yillarda Novosibirsk viloyat ijroiya qoʻmitasi raisining birinchi oʻrinbosari.
1943-yildan Oltoy oblasti ijroiya qoʻmitasi raisi, viloyat partiya qoʻmitasining birinchi kotibi[6]. Ulugʻ Vatan urushining yakuniy bosqichida va urushdan keyingi davrda viloyat iqtisodiyotini tiklash va rivojlantirish, viloyatda lalmi yerlarni oʻzlashtirish ishlariga rahbarlik qilgan. Bu davrda Oltoy oʻlkasining iqtisodiyoti sezilarli oʻzgarishlarga duch keldi: u asosan qishloq xoʻjaligidan yirik sanoat mintaqasiga aylandi, Barnaul, Biysk va Rubtsovsk muhim sanoat markazlariga aylandi.
1946-yildan boshlab SSSR Oliy Kengashining ikkinchi va beshinchi chaqiriqlarida qatnashib, deputat etib saylandi.
1952-yildan 1961-yilgacha KPSS Markaziy Komiteti aʼzosi[7]. 1955-yil 12-iyuldan 1958-yil 12-noyabrgacha KPSS Markaziy Qoʻmitasining kotibi, 1956-yil 27-fevraldan 1957-yil 29-iyungacha KPSS Markaziy Qoʻmitasining RSFSR boʻyicha byurosi raisining oʻrinbosari boʻlib ishlagan. 1957-yil 29-iyundan 1960-yil 4-maygacha – KPSS Markaziy Qoʻmitasi Prezidiumi aʼzosi.
1957 yil dekabrdan – Qozogʻiston Kommunistik partiyasi Markaziy Qoʻmitasining birinchi kotibi. 1959 yil Temirtaudagi qoʻzgʻolon munosabati bilan 1960 yil yanvar oyida u KPSS Stavropol oblasti qoʻmitasining birinchi kotibi lavozimiga oʻtkazildi va oʻsha yili pensiyaga yuborildi.
1966-yil 28-oktyabrda vafot etgan. Moskvadagi Novodevichiy qabristoniga dafn etilgan[8].