Muhammadolim Muhammadsiddiqov | |
---|---|
Tavalludi |
1972 Asaka, Andijon, Oʻzbekiston |
Fuqaroligi |
![]() |
Sohasi | Sharqshunos-iqtisodchi-arabshunos |
Ish joylari | ToshDSHI |
Muhammadsiddiqov Muhammadolim Muhammatroziq oʻgʻli (1972-yilda tugʻilgan) — sharqshunos, iqtisodchi, arabshunos, siyosiy fanlar nomzodi. Toshkent islom instituti rektori[1]. 2023-yil 23-noyabrda Oʻzbekiston musulmonlari idorasi raisining oʻrinbosari[2].
Xalqaro munosabatlar va siyosatshunoslik. 100 dan ortiq ilmiy ishlar muallifi. Bir qator respublika ilmiy konferensiyalari ishtirokchisi[3].
Qohira davlat universiteti Iqtisodiyot va siyosiy fanlar fakultetining 1999- va ToshDSHI „Xalqaro aloqalar va iqtisod“ fakultetining 2002-yil bitiruvchisi. 1994—1999-yillar Qohira davlat universiteti talabasi; 2000—2002-yillar TDSHIda magistrant va oʻqituvchi; 2005-yildan katta oʻqituvchi; Jahon siyosati kafedrasida dotsent; 2015-yilda „Xalqaro munosabatlar va tashqi siyosat tarixi“ ixtisosligi boʻyicha dotsent; 2016-2017-yillar ToshDSHI "„Jahon siyosati va xalqaro munosabatlar“ kafedrasi mudiri, 2017—2018-yillar Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita diniy taʼlim boʻlimi boshligʻi, 2018-2019-yillar Oʻzbekiston xalqaro islom akademiyasi Yoshlar bilan ishlash boʻyicha prorektori, 2019-yildan OʻzXIA „Xalqaro munosabatlar“ kafedrasi dotsenti, 2020-yildan OʻzXIA „Xalqaro munosabatlar“ kafedrasi professori, siyosiy fanlar doktori[4].
Nomzodlik dissertatsiyasi mavzusi: „Saudiya Arabistoni Podshohligining Qizil dengiz mintaqasida xavfsizlikni taʼminlash siyosatining xususiyatlari“ — Toshkent, 2005. Doktorlik dissertatsiyasi mavzusi: „Afrika arab davlatlarida dinning siyosiylashuvi va uning siyosiy jarayonlarga taʼsiri“ — Toshkent, 2018.