Mansarda (frans. mansarde) — bino chordogʻidagi xona, boloxonaning bir turi. Baland va tik nishabli tomlarda yuqorisi qiyalama va pasti tikka qilib qurilgan. M. foydali qoʻshimcha xona yaratish va bino hajmini boyitish va unga goʻzallik, salobatlilik bagʻishlash maqsadida quriladi. Fransuz meʼmori Fransua Mansar va uning nevarajiyani, shogirdi J. Arduen-Mansar loyihasi asosida (nomi ham shundan) yaratilgan. Dastlab Fransiyada kurila boshlagan. Hozir bir qavatli xususiy turar joy va dala hovli binolari qurilishida M. loyihasidan foydalanilmoqda.[1]
![]() | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |